Partidu Demokratiku Hakarak Governu Inkluzivu Featured

By Jacinto Xavier Maiu 08, 2018 945

DILI: Partidu Demokratiku (PD) iha esperansa bo’ot katak eleisaun antisipada ida ne’e partidu politiku ida sei la manan maioria absoluta tanba ne’e hanesan jerasaun foun garantia katak sei halibur partidu sira seluk hodi hamutuk forma governu inkluzaun.

Presidente Partidu Demokratiku, Mariano Assanami Sabino hatete, Partidu Demokratiku mai husi jerasaun FRETILIN no jerasaun maun Bo’ot Kay Rala Xanana Gusmão, Taur Matan Ruak, Mari Alkatiri, Ramos Horta, Lu-Olo, Lere no FALINTIL sira seluk nian.

Haree ba situasaun politika iha kampaña eleitoral ba leisaun antisipada nian lider nasional sira komesa ataka malu ho istoria pasada.

Tanba ne’e PD hanesan sira nia jerasaun sei hamrik iha klaran hakarak hamosu ukun ho inkluzivu hodi involve partidu seluk nia ema ne’ebé potensiál ba area save sira hodi dezenvolve nasaun ida ne’e.

Hanesan jerasaun kontinuadór iha responsabilidade bo’ot ba nasaun ida nia futuru, PD hakarak jere diferensia sira ne’e hodi hakat ba oin ho Planu Estratejiku Dezenvolvimentu Nasional (PEDN) ne’ebé sai ona mata dalan ba dezenvolvimentu nasional.

Assanami hatutan, iha nasaun demokrasia povu labele fó votus absoluta ba partidu ida atu ukun mesak se la’e partidu sira bele ukun tuir sira nia hakarak.

“Iha parlamentu nasional hodi diskute programa no politika governu nian ba dezenvolvimentu nasional maibé tanba partidu ida maioria iha PN entaun dalan ikus tenke ba vota entaun programa ne’e atu di’ak ka ladiak mos tenke passa tanba haree ba númeru,”tenik Assanami, iha sede nasionál Partido Demokratiku, Kolmera Dili, segunda horsehik.

Rate this item
(0 votes)

Independente Digital TV