Komandante PNTL Munisípiu Lautem, Superintendente Marcos Sequeira Nunes, la esplika detalla akontesimentu ho razaun relatóriu hotu-hotu entrega ona ba Komandante Jerál PNTL.

“Husu diretamente de'it ba komandante jerál ba relatóriu ami entrega ona ba iha ne’ebá”, dehan nia, via telefone, horisehik.

Entretantu, Koordenadór Jurisdisaun AMP, Arão Noe de Jesus hatete, sira kondena makaas ho aktu violénsia no brutalizmu ne’ebé akontese durante tempu kampaña nia laran hodi hasoru.

Nune’e, husu ba autoridade seguransa atu akompaña prosesu demokrasia ne’e ho di'ak nune’e buat hotu bele la’o tuir duni doutrina demokrasia nian.

Husu mós ba militante AMP sira atu tuur hakmatek hodi labele monu ba provokasaun hirak ne’ebé akontese durante prosesu kampaña laran.