Prezidente Autoridade Munisipiu Lautém, Mélio de Jesus hateten, Autoridade Munisípiu Lautem bolu kompana hamutuk 15 hodi halo selebrasaun kontratu ba projetu PDIM hamutuk 15 ba tinan fiskál 2024 ni’an.
“Kompañia sira ne’ebé asina ona kontratu ba projetu, komesa mobilija material sira ba iha fatin Servisu, bainhira atu ba servisu fatin projetu tenke koordena ho Lider Komunitaria no seguransa hafoin ba servisu, Autoridade sei la estende tan kontratu ba Kompaña ne’ebé implementa projetu tarde, tanba ne’e, kompañia sira tenke entrega iha loron 31 Dezembru 2024,” Dehan nia liu husi Komunika ne’ebé Jornalista INDEPENDENTE asesu husi media PAM Lautem, Tersa 02/07).
Tanba ne'e, nia husu ba kompañia sira ne'ebé mak selebra kontratu, fulan Outobru 2024 projeitu tenke tama ona ba porsentu 80 ne’ebé ho kualidade, Tanba bainhira iha inspesaun tékniku husi MOP no PDIM ba halo verifikasaun mak la iha kualidade, kompañia refere sei hetan sansaun no sei blackdish ba kompañia refere, nune'e labele tuir tan pojeitu iha Munisípiu Lautém.
Purtantu, projetu kategória A mak hanesan, konstrusaun reabilitasaun Ponte Bee-Moris, Reabilitasaun EBF Kuluhun, Konstrusaun mortuáriu Lospalos, Instalação Bee-Moos ba Postu Lore.
Nune’e mós konstrusaun Armajen STAE Lospalos, Konstrusaun barrajen no fatin fase karreta iha Administrasaun Munisípiu Lautém, Reabilitasaun Ponte Teinará Buihomau, Reabilitasaun Postu Saúde Naisalobu Postu Iliomar, Konstrusaun EBF Legidika Ililai, Postu Administrativu Lautém.
Enkuantu, konstrusaun Kategória B, mak hanesan, Rehabilitasaun Kampu Futebol Lospalos, Konstrusaun Edifício DNTT Lospalos, Konstrusaun Ensinu Báziku Leusari, Konstrusaun sistema Bee-Moos iha Ailarino, Konstrusaun Uma Merkadu ho modelu barraka iha Postu Luro, Reabilitação Edifísiu Karpintária iha Caivaça, ne'ebé sei halo re-anúnsiu ba kompañia sira ne'ebé konkorre eskluidu hotu iha avaliasaun dokumentus.
Entretantu, Orsamentu ba Projetu Total orsamentu ne'ebé Autoridade Munisipál Lautém koloka ba iha Projetu PDIM ba 2024 hamutuk tokon $1. 856, 966, 57.
