Ministru Obras Publiku, Samuel Marçal hatete, kuandu kompaña gastu osan liu millaun lima ba leten kompaña rasik mak hakarak gastu, tanba governu so bele selu tuir prosesu labele liu millaun lima.
"Kuandu ita tau dehan nia labele liu (Millaun 5) ,se liu nia (kompaña) mak korban tanba ita temi dehan lansamentu kontrak ne'e labele liu,"dehan nia ba jornalista sira iha Ministeriu Finansa Aitarak Laran, (05/07).
MOP Samuel Marçal hatete, projetu 162 ne'e tinan hirak ba kotuk uluk pakote ida ne'ebé kleur ona hanesan projetu emerjensia hotu halo hela orden servisu tanba sei halo kontratu.
Tanba projetu sira ne'e mesak kompaña nasionál mesak timoroan balun sira gastu osan lubuk ida barak ona entaun ida ne'e mak sai polemika kuaze atu hanesan mós ho P44 nian.
Nune'e projetu 162 ne'e sai dividas ida ba governu tanba ne'e mop lori ba KM hanesan aprezenta de'it maibé KM hotu-hotu konkorda katak governu bele konsidera maibé laos iha orsamentu tinan ida ne'e nian maibé tau iha tinan oin.
"Tinan oin mak ita tau osan para ita sei ba verifika,ADN mak sei ba verifika fila fali para haree took iha balun prioridade ita konsidera karik balun laih prioridade ita labele konsidera"dehan nia.
Tanba ne'e kompaña 21 ne'ebé Mop loke ona kontratu maske kompaña balun gastu ona orsamentu maibé governu buka atu rezolve tanba kompaña sira mesak timoroan sira de'it se governu la haree se mak atu haree.
