Enkuantu, ba munsipiu sira seluk neebé ho kondisaun estrada ladiak no iha suku barak, mak dadaun nee, pagamentu seidauk hotu,
“Hanesan iha munisipiu Baukau, Postu Administrativu Kelikai mak dadaun nee pagamentu sei lao hela, nunee sei remata iha fulan fevereiru tinan nee,”dehan nia ba Online INDEPENDENTE, iha knar fatin INSS, Kaikoli, segunda nee (07/02).
Nia esplika, total benifisiariu sira neebé asesu ona ba subsidiu nee hamutuk rihun 93.378 ho osan total U$17.172.040.
Nia esplika, INSS seidauk identifika idozu neebé lakon vida iha prosesu pagamentu ou sira neebé lafoti sira nia osan, bainhira pagamentu nee remata ona, relatoriu mai ona iha INSS mak bele identifika.
Entretantu, nia dehan, ba tinan ida nee, idozu no invalids sira sei hetan subsidiu dolar amerikanu $50 kada fulan.
“ Ba primeira faze tinan 2022 nian, nee ita implementa ona $50, tanba foin dadauk ami ajusta ona iha ami nia livru no ami hein justifika iha livru orsamentu seguransa sosial, depois it abele implementa ona”. Hakotu nia.
