Prezidente INSS, Longuinhos Armando Leite, hatete, hahú iha loron 1 fulan-Jullu too Janeiru 2022, total entidade empregadór neebé hetan subsidiu ba apoiu empregu, hamutuk 1.515 ho nia traballadór neebé hetan mós apoiu nee hamutuk 18.316.
Husi total empregadór 1.515, entidade empregadór neebé hetan dispensa kontributivu hamutuk 463, apoiu eletrisidade hamutuk 768 no ida neebé hetan renda ka aluga hamutuk 315.
Aleinde, traballadór fakultativu neebé hetan ona apoiu hamutuk 8.887 no dispensa kontributivu ba fakultativu hamutuk 8.887.
Prezidente nee hatutan, total orsamentu neebé selu ona ba empregadór ho traballadór fakultativu sira, inklui dispensa kontributivu, eletrisidade no renda hamutuk U$ 11.205.638.78.
“Ba dadus sira neebé ami virifika hotu ona, mak dadauk nee ami selu ona, ba sira neebé seidauk, ami nafatin verifika, nunee verifika hotu, kontinua halo pagamentu ba
traballadór no empregadór sira,”dehan nia ba Online INDEPENDENTE iha knar fatin INSS, Kaikoli, segunda nee (07/02).
Entretantu, nia dehan, pagamentu ba traballadór no empregadór neebé Governu extende tan ba fulan tolu nia, ida nee INSS seidauk bele realiza, tanba sei hein diploma ministerial husi Ministeriu rua, hanesan MKAE no MSSI.
