Tuir Country Director OXFAM iha TL, Fausto Belo Ximenes, hatete, konstrusaun uma ba ema ho defisiénsia ne’e, OXFAM servisu hamutuk ho Organizasaun Raes Hadomi Timor (RHTO), ne’ebé tau matan ba asunto ema ho defisiensia no inkluzaun.

Nune’e, hodi identifika familia ne’ebé vulneravel liu no hodi bele fó apoiu.

“Ohin ita halo lansamentu, entregra uma ba familia defisiénsia Antonio ho nia oan na’in rua, sira mós defisiénsia hotu, uma ne'e ita entrega, parte husi programa OXFAM nian,”dehan Country Director OXFAM iha TL, Fausto Belo Ximenes, iha Metiaut, Dili, sesta ne’e (09/09).

Nia hatutan, uma ne’ebé entrega bae ma ho defisiénsia ne’e hetan fundu husi Governu Australia hodi responde ba nesesidade vitima inundasaun sira nian, ne’ebé akontese iha loorn 04 Abril 2021.

Nia dehan, uma ne’ebé entrega ba defisiénsia Antonia ho familia ne’e bolu ho naran rezilente no uma inkluzivu.

Nia haktuir, uma ne’e, konstrui husi OXFAM nia tekniku enjiñeiru sira. Nune’e, sira garante katak uma ne’e sensivel duni bae ma ho defisiénsia.

Country Director ne’e akresenta, tuir planu programa OXFAM nian, ba tinan ida ne’e konstrui uma hamutuk lima ba familia vulneravel sira.

Tanba ne’e, iha fulan hirak liu ba, OXFAM entrega ona uma haat ba familia vulneravel sira iha Suku Lahane.

“Ohin ita entrega uma ikus, ba ema ho defisiensia Antonio nunes ho familia sira hodi konklui ona programa OXFAM nia hamutuk ho Governu Australia,”tenki nia.

Entretantu, uma ne’ebé konstrui ba defisiénsia Antonio Nunes ho familia, ho nia medida hamutuk 7×7, ho kuartu 3, sala vizita 2 ne’ebé kompleta ho dapur no haris fatin ida.

Enkuantu, orsamentu ne’ebé gasta ba konstrusaun refere hamutuk dolar amerikanu $1.050

Tanba ne'e, Country Director ne’e, husu ba benifisiariu sira atu iha responsavel no kuidadu didiak uma ne’e hodi uza ba tempu naruk

Iha fatin hanesan, Antonio Nunes sente kontente bele hetan apoiu uma mahon ne’ebé seguru no dignu hodi bele helik aan ba.