Orsamentu MAKLN Tokon $ 113, Konstrusaun Jadin-Herois, Verifikasaun Dadaus no Pagamentu Veteranu Featured

By Mariano Mendonca Outubru 29, 2023 2078
Ministru Asuntu Kombatente Libertasaun Nasionál Gil da Costa "Oan Soru". Foto:Media Gabinete MKLN. Ministru Asuntu Kombatente Libertasaun Nasionál Gil da Costa "Oan Soru". Foto:Media Gabinete MKLN.

DILI: Iha tetu fiskal ba orsamentu Ministeriu Asuntu Kombatente Libertasaun Nasionál (MAKLN) ho totál tokon $ 113. Orsamentu ne’e sei aloka ba konstrusaun Jardin Herois, Verifikasaun nomós pagamentu pensaun veteranu sira nian.

Ministru Asuntu Kombatente Libertasaun Nasionál Gil da Costa "Oan Soru" hatete, orsamentu Ministériu nian ne'e sei hare bá atividade oin-oin ne'ebé sei halo iha tinan 2024, liu-liu hare mós ba dadus veteranu ne'ebé pendente.

"Orsamentu tetu bá Ministériu Asuntu Kombatente Libertasaun Nasionál totál tetu bá 2024 ninian tokon $ 113 ba nia atividade oin-oin, hanesan konstrusaun bá jadin dos Hoerois no Verifikasaun dadauks sira no pagamentu bá pensaun Veteranu sira," dehan nia hafoin halo aprezentasaun orsamentu Ministériu nian ba komité Revizaun Orsamentu iha Ministériu Finansas, (26/10).

Nia mós akresenta, prográma ka Atividade seluk ne'ebé atu haree mak Verifikasaun dadus uma lisan nian oinsá mak bele hatene loloos ema hira maka mate iha durante luta bá independensia.

"Iha Programa seluk ida maka 2024 ne'e ami sei haree atividade ida kona-ba Verifikasaun dadus uluk liu bá kotuk halo levantamentu dadus tuir uma lisan sira," nia dehan.

Dadus tuir uma lisan ne'ebé mak hetan iha lista rejistradu ona ne'e totál iha 233,951, ida ne'e tinan oin sei halo Verifikasaun para hatene loloos ema hira mak mate husi 1975 to'o 1999 feto hira no mane hira ne'e tenke hatene.

Aleinde ida ne'e dadus ne'ebé pendete durante 2003 no 2005 nian ne'e sei Rezolve iha tinan 2024, dadus entaun ne'e tama hotu iha Orsamentu ne'ebé ohin Aprezenta.

"Dadus pendete ne'e 5 mill itál ida ne'e mak ami sei haree iha tinan oin no seluk-seluk tan ha'u labele hatete hotu kedas maibé iha bu'at kikiik balun dala ruma nia númeru rasik ha'u haluhan tiha," nia salienta.

Aleinde ida ne'e, dadus Veteranu 2009 ne'ebé dadaun prosesu Verifikasaun la'o ne'e sei konklui iha tinan ida ne'e, maibé nia atu hetan legalidade ne'e iha tinan tuir 2025.

"Agora kona-ba 2009 nia ne'e ami sei konklui iha tinan ida ne'e, maibé ninian tuir dalan Legal ka legalidade hotu-hotu ne'ebé sai ba realidade ne'e tenke bá iha 2025," tenik nia.

Rate this item
(0 votes)
Last modified on Segunda, 30 Outubru 2023 15:22

Independente Digital TV

Tuir ami iha Twitter

Kalendariu Notisia

« July 2024 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31