Nia haktuir, ida ne’e la’os atu halo justifikasaun mais hanesan media sira hatete, Governu ne’e tama mai iha 1 Jullu 2023 no komesa hala’o servisu iha 3 Jullu 2023.
Governu ne'e tama mai ho kedas lei organiku Governu nian, depois lori programa ba Parlamentu Nasional hodi diskute no kontinua lori fali orsamentu retifikativu ba Parlamentu.
"Ida ne'e halo ami membru Governu nia konsentrasaun atu hare ezekutasaun ladún iha, tanba dala ruma ita la la’o tutuir Diretor sira," nia afirma hafoin halo aprezentasaun orsamentu Ministériu nian ba Komité Revizaun Orsamentu iha Ministériu Finansas, (25/10).
Nia klarifika, ezekusaun la’o tarde ne’e la signifika katak diretor sira ne'e la halo sevisu, sira halo hela servisu no ezekusaun la'o hela.
" Ezekusaun orsamentu retifikativu MTK nian to'o ohin foin atinje 40% no to'o Dezembru bele atinje 70% karik," tenik nia.
Nia afirma, susesu sira mak blanku sim ka karta kondusaun 45 mill iha ona Diresaun Nasional Transporte Terrestre (DNTT), Banda Larga ida internet husi 200 Megabyte (MB) hasae aumenta ba gigabyte 1.
"Ita foin halo ofisiálmente aban Kinta lokraik no hala'o ona iha dia 1 de Setembru liga ba agensia sira ne'e 1GB. Ami la ko'alia maibé sasán ka serbisu ne'e la'o neneik. Ba sim ne'e iha la kleur tan sapa ne'e mai tan depois de banda larga internet mai husi 200 MB hasae ona husi operador ne'ebé manán nain husi telkomsel," nia hakotu.
