Ho nune'e nia informa, orsamentu ne'ebé aloka mai HNGV tinan fiskál 2023 total tokon $14.31,909.
“Ba ezekusaun orsamentu ba 2023 ni’an to'o agora ita ezekuta ona orsamentu hamutuk $8.2 milloens ho nia persentajem 59%, inklui obrigasaun ita liga ba iha projeitu 5% ho komitmentu 5%, Tanba ne'e ita nia estimativu ba ezekusaun orsamentu to'o fulan dezembru sei atinje to'o 60% ka 70%,” Dehan Raul, iha HNGV, Kuarta (08/11).
Aliende ida-ne'e, Planu orsamentu husi HNGV ni’an propoin ba Ministériu Finansas ba tinan 2024 ni’an por volta $18 milloens, maibé nia aprovasaun ba orsamentu refere hamutuk $10.8 milloens.
Tanba Ministériu Finansas sei fó oportunidade ba HNGV hodi bele identifika no halo proposta adisional, ne'ebé HNGV submete ba iha Komite Revizaun Orsamentu hamutuk $7.2 milloens, maibé aprova de'it $2.7 milloens.
Tanba ne'e nia fundamenta, HNGV hetan orsamentu aprovasaun ikus hamutuk tokon $13.5 ida-ne'e mak agora bele ajusta ba iha sistema.
