Tanba ne’e, SEESJTV Domingos Lemos Lopes hatete, konstrusaun edifisiu foun Eskola Bázika 04 Fatuhada, la iha Kualidade, nune’e husu atu kompañia atu responsabiliza no baku rahun ain rin sira ne’ebé kontrui ona hodi hadia fila-fali.
“Konstrusaun eskola ne’e la iha kualidade, tan ne’e kompañia iha responsabiliza atu baku rahun fila-fali ai-riin sira ne’ebé konstrui ona hodi hadia fila fali, tanba tuir informasaun husi tékniku Edukasaun nia katak ai-riin sira ne’ebé iha tenki hadia, sé hadia mak ladiak, tenki baku rahun fila-fali hodi harii foun tanba la iha kualidade,”dehan nia iha EBF 04 Fatuhada, (10/11/23).
Governante ne’e hatutan, tékniku husi Ministeriu Edukasaun nia observasaun hare obra refere foin atinji pursentu 14, maibé tékniku husi kompañia hateten katak obra ba konstrusaun ne’e atinji ona pursentu 20. Tanba tekniku husi sira la hare ba rekomendasaun ne’ebé mai husi Ministeriu Edukasaun no Ajensia Dezenvolvimentu Nasional.
“Obra refere husi tekniku ME foin atinji pursentu 14 (14%), maibé tékniku husi kompañia hateten katak obra refere atinji ona pursentu 20 (20%) tanba sira la hare ba rekomendasoens sira ne’ebé mai husi Ministeriu Edukasaun no ADN,” Governante ne’e haktuir.
Iha fatin hanesan, tékniku husi kompaña Betuhei Unipesoal Lda Aida Guterres Lobo hatan ba deklarasaun husi Ministériu Eduksaun nian kona-ba ai-rin ne’ebé la iha kualidade, tan ne’e kompaña sei foti amostra husi koluna ida no lori ba teste iha Laboratorium ADN no obras Públika atu hatene nia rezultadu hafoin foti desizaun.
“Ami kompañia sei esforsu hodi buka meius atu rezelve problema ida ne’e no ami sei foti amostra husi ai-rin refere hodi ba teste iha laboratriu ADN no Obras Públikas,” dehan Teknika Aida.
Nia afirma, tuir lolos kontrusaun ba eskola refere nia durasaun tinan ida, maibé tanba sira hasoru difikludade iha prosesu konstrusaun, ho nune’e sira esforsu no garante katak, konstrusaun ne’e sei remata iha fulan- Abril tinan 2024.
Entretantu, eskola refere hahú ona nia konstrusaun iha tinan 2022 ne’ebé konstrui husi kompaña Betuhei Unipesoal Lda, ho nia total orsamentu montante rihun $727,422.58, no durasaun tempu ba konstrusaun refere tinan ida (1).
Enkuantu, kontrusaun eskola EB 04 Fatuhada iha edifisiu rua ho modelu andar no iha sala de aula hamutuk 12.
