Orsamentu Jeral Estadu (OJE) 2025 ne’ebé aloka ba iha Ministeriu Finansas ho montante dolar amerikanu $18,889,241 hetan aprovadu husi Parlamentu Nasional ho votu a-favor 43, kontra 18 no abstensaun 3.
“Ne’ebé orsamentu ba Ministeriu Finansas Pasa,” dehan Prezidente Parlamentu Nasional Maria Fernanda Lay iha Plenaria debate OJE 2025 Fase espesialidade iha PN, Kinta (14/11).
Husi montante orsamentu $18,889,241 aloka ba salariu no vensimentu $9.659.322, bens no servisu $8.347.225, trasnferensia públikas $0, kapital menor $45.000 no kapital dezenvolvimentu $837.694.
OJE 2025 ba Ministeriu Koordenadór Asuntu Sosiais (MKAS) ho montante $1.009.200, Parlamentu Nasional aprova ho votu a-favor 45, kontra 18 no abstensaun ida.
Husi montante ne’e, aloka ba salariu vensimentu $709.200, bens no servisu $300.000, transferensia públika 0, kapital menor 0 no kapital dezenvolvimentu 0.
Aleinde, Orsamentu Jerál Estadu (OJE) 2025, ba Ministériu Negosiu Estranjeiru no Kooperasaun (MNEK), ho montante $32.109.497 pasa iha espesialidade ho votu a-favor 43 kontra 20 abstensaun ida.
tuir livru proposta OJE 2025, Orsamentu ba MNEK ho montante $32.109.497, aloka ba iha salariu no vensimentu $16.926.324, bens no servisu $14.383.173, tranferensia públika 0, kapital menor $300.000 no kapital dezenvolvimentu $500.000.
Husi montante orsamentu ne’ebé aloka ba MNEK, sei benifisia ba programa politika externa Timor-Leste dolar amerikanu $26.255.431 no funsionamentu dezenvolvimentu instituisional $5.854.066.
Enkuantu, OJE 2025 ba Ministeriu Justisa ho montante $12.876.049 aprovadu ho votu a-favór 43 kontra 20 abstensa ida (1).
Entretantu, husi orsamentu ne’e, aloka ba iha salariu no vensimentu $8.082.102, bens no servisu $4.328.716, tranferensia públika 0, kapital menor $200.000 no kapital dezenvolvimentu $265.231.
Husi orsamentu ne’e, benifisia ba programa reforma estadu ho montante $191.497, asesu ba justisa $9.546.425, ba funsionamentu dezenvolvimentu intituisional $3.128.161 no inkluzaun sosial $9.966.
