Objetivu halo fiskalizasaun urjénsia iha INSS tanba asesu iha portál transferénsia OJE 2024 ba INSS ho Fundu Rezerva Seguransa Sosiál (FRSS) ne’e sei zero (0).
Prezidente Komisaun C hatutan, Maibé, hafoin komisaun C fiskaliza no observa, identifika katak, INSS ho FRSS uza sistema free balance maibé husi Ministeriu Finansas (MF) mak la update ba iha sistema ne’e. Ho nune’e ezekusaun husi INSS ho FRSS dadaun ne’e atinji ona pursentu 30.
“Ami komisaun C hanesan komisaun ne’ebé responsável ba iha área finansa públika inklui orsamentu sira, ita hatene katak agora ita tama ona fulan-Juñu signifika tama ona segundu trimestre ne’e ami-nia papél mai halo fiskalizasaun, tuir dadaus ne’ebé hatudu iha portál tranferénsia hatudu katak husi Institutu Nasional Seguran Sosial no FRSS fulan ne’e ona maibé to’o agora sei Zero,” dehan Cedelzia iha INSS Kaikoli, Kinta (27/06).
Deputada ne’e mos husu ba Ministeriu Finansas (MF) atu tau mós konsiderasaun tanba orsamentu iha INSS ne’e foti husi Orsamnetu Jerál Estadu, Ministériu Finansas tenki tau iha sistema atu nune’e bele kontrola hotu.
“Ba oin ami husu ba Minsiteriu Finansas atu bele tau konsiderasaun tanba orsamentu husi INSS ne’e mos ita foti husi orsamentu jeral estadu enatu sistema tenki tau par ita bele kontrola hamutuk,” dehan Deputada ne’e.
Prezidente INSS, Arlindo Pinto, sente senti orgullu ba fiskalizasaun ne’e, tanba importante tebes ba públiku no liliu deputadu sira iha PN atu hatene kona-ba orsamentu iha INSS durante ne’e.
“Ohin Parlamentu Nasional husi Komisaun C ne’ebé toma konta ba finansa públika, ohin loron mai iha ne’e halo fiskalizasaun mai iha adminstrasaun sentra INSS ho FRSS nian ne’ebé mak atu halo diskusaun orsamentu ne’ebé husi administrasaun sentral liu husi orsamentu jerál estadu ne’ebé mak atribui mai iha INSS,” dehan Prezidente INSS
Enkuantu, orsamentu husi fundu rezerva seguransa sosial durante ne’e kapitaliza liu husi merkadu monitariu ne’ebé tama ona ba faze depozita prazu entre entidade banku komersial sira ho frss oinsa atu kapitaliza fundu titular, nune’e bele hetan nafatin retornu ba tempu ne’ebé termina entre banku komersiál ho FRSS.