Tuir regulamentu ne’ebé Ministériu Esnsinu Superior Siénsia no Kultura (MESSK) deside ona katak, valór mínimu ba estudante ne’ebé atu asesu iha Universidade Nasional Timor-Lorosa’e (UNTL) no Institutu Politékniku Betanu (IPB) hahú husi 46 no karik kiik liu ida ne’e sei la asesu iha iha instutuisaun públiku rua refere.
Ministru Ensinu Superior Siensia No Kultura José Honório da Costa Pereira Jerónimo hatete, hakarak Universidade Nasional Timor-Lorosa’e No Institutu Politékniku Betanu (IPB) ne’e aposta ba kualidade, tan ne’e husu ba tékniku sira ne’ebé halo servisu ka halo koresaun ba pontus ezame ba kandidatu sira tenki transparente.
Minstru afirma, tanba durante ne’e estudante ne’ebé asesu ba UNTL no IPB ema barak mak tau ba kestaun tan ne’e mak husu ba komisaun atu servisu ho rigór liliu tékniku sira ne’ebé kaer dadus tenki haree didiak foin deside.
“Tanba kada tinan depois de asesu ba UNTL no IPB ema barak mai tau kestaun, tanba ne’e husu komisaun atu servísu ho rigór liliu tékniku sira ne’ebé kaer dadus haree didi’ak sé ita deside ona valór 46 ba leten tan ne’e ba sira ne’ebé lato’o ba 46 ita ba lebele deside hotu se karik ita hakarak aposta ba kualidade,” dehan Ministru iha salaun Konferensia MESSK Kolmera, Segunda (08/01).
Governante esplika, tanba atu garante kualidade ko’alia ohin la’os atu sai realidade kedas maibé ba futuru hakarak aposta ba kualidade tanba intuituisaun rua ne’e importante tan ne’e tenki hadi’a ona.
Tanba koresaun ne’e uza mákina, governante ne’e mós husi ba ekipa husi Ministériu Edukasaun atu haree didi’ak, tanba atu deside estudante ne’ebé asesu ba UNTL no IPB ne’e la’os MESSK de’it maibé kompostu husi Ministeriu lima.
Iha fatin hanesan, Prezidente Asesu Ensinu Superior no Diretóra Jerál MESSK Maria Filomena Lay hatete, totál estudante ne’ebé kandidata an ba rejime espesial ne’ebé tuir ona ezame hamutuk 2.740, no ba rejime jerál ne’ebé eskritu iha eskola ida-idak kandidatu hamutuk 12.908.
“Tan ne’e husu ba ekipa sira hotu atu servisu ho rigór, maibé bainhira ekipa sira mak sei komete iregularidade iha koresaun refere sei submete ba regra komisaun funsaun públika nian,” dehan Prezidente
Iha biban ne’e mos, Reitór UNTL João Soares Martins hatete, tuir proposta ne’ebé UNTL no IPB submete ba KAES katak UNTL sei simu estudante hamutuk 4.720 ne’ebé sei fahe ba fakuldade 10 no Departamentu 43.
Enkuantu, Ministeriu Lima ne’ebé halo lansamentu ba koresaun pontu ezame nian mai husi Ministériu Ensinu Superiór Siénsia no Kultura (MESSK), Ministériu Solidaridade Sosiál no Inkluzaun (MSSI), Ministériu Administrasaun Estatál (MAE), Ministériu Asuntus Kombatentes Libertasaun Nasionál (MAKLN) no Ministériu Edukasaun (ME).
