“Ha'u nia mensajen primeiru atu kontinua tau esperansa ba Futuru Timor Nian. Futuru Timor la depende ba ha'u, la depende ba sira ne'ebé uluk halo funu ou sira ne'ebé la halo funu, futuru Timor nian depende ba jerasaun ba jerasaun. Ne'e hanesan ita halo tos, tinan ida udan la mai batar mate, ne'e la siknifika tinan oin la halo ona, ita la halo ne'e oinsá, entaun ita-nia nasaun mós hanesan, iha tempu di’ak iha tempu at mas ita tenke fi'ar nafatin para fó kontribuisaun para bele dezenvolve ita-nia Nasaun, i liu-liu hametin Paz” dehan nia iha, lansamentu Internasional Scholl, Queshadip Ruak, iha Mascarinhas, Dili, (06/01).

Tanba páz hahu hosi ema-nia fuan, tanba ne'e mak eis Primeiru Ministru ne’e apela ba Joven sira apela ba Komunidade sira tomak atu kontinua kria paz no estabilidade.
“ha'u hatene sira barak deskontentu mas sira hatene katak Governu ida ba Governu ida semak hili ne'e Povu mak hili, labele hili tia depois imi kuandu la kontenti dehan sobu tia, ne'e labele iha, iha Timor labele iha, ha'u hakarak aviza ida ne'e” dehan nia.