Prezidente Tribunál Rekursu, Deolindo dos Santos hateten, kualkér tempu odamatan nakloke ba ema hotu.

“Ida ne’e regra prosesuál mak estabelese, kuandu parte la simu sira bele kumpre prosesuál ne’ebé estabelese," dehan nia, iha Palasiu Prezidensiál, Bairru-Pité, horisehik.

Nia esplika, Tribunál Rekursu imparsiál no rezultadu prosesu petisaun Partidu CNRT kontra Presidente Repúblika, Francisco Guterres Lú Olo tanba desizaun ne'ebé foti la haree ba méritu.

“Ami la haree ba méritu maibé iha kestaun prosesuál de'it ne'ebé ami deside iha ne'ebá,” tenik nia.

Entretantu, iha enkontru semanál ho Prezidente Repúblika (PR), Francisco Guterres Lú Olo, sira la aborda petisaun husi partidu CNRT tanba ne’e kompeténsia Tribunál Rekursu nian.