Ministru "Oan Soru" hateten nia parte bá hasoru Primeiru-Ministru hodi hato'o hela informasaun kona-bá reklamasaun, kontestasaun protestu ba lista veterqnu ne'ebé rejistu iha tinan 2009, ne'ebé taka sai ona bá publiku iha loron 15 Janeiru liu bá.
"Mai hato'o hela ba Primeiru-Ministru Par bele hetan orientasaun ruma atu la’o ba oin ne'e hanesan ne'ebé, hato'o informasaun no simu orientasaun husi Primeiru-Ministru," dehan Oan Soru iha Palásiu Governu, Segunda (27/01).
Enkuantu, orientasaun ne'ebé Primeiru-Ministru fó bá MAKLN, Ministru seida’uk bele hato'o ba publiku tanba nia parte seidauk hala'o.
Entretantu, tuir dadus, tuir dadus ne’ebé iha, vetanus ne'ebé rejistu iha tinan 2009 hamutuk rihun 124.782.
Hafoin liu husi prosesu verifikasaun ikus mai hetan ema hamutuk nain rihun 92.591 ne'ebé lista taka sai ona iha loron 15 fulan janeiru tinan 2025.
Husi númeru ne’e, ema na’in-14 mak ho grau 20/24, sira ne’ebé 15/19 hamutuk 186, ema ne’ebé 8/14 hamutuk 9.375, sira ne’ebé ho inkapasidade de servisu iha 359, sira ne’ebé Mártires iha 22.252, sira ne’ebé Prestasaun Pekuniária Únika (ka PPU), hamutuk 23.560, sira ne’ebé menus hosi tinan tolu (3) hamutuk 35.281, no sira ne’ebé Naun-Kombatente totál 1.574.
Estatutu Kombatentes Libertasaun Nasional (CLN) Lei Númeru 3/2006, loron 12 fulan-Abríl, ne’ebé altera dala-rua ho Lei númeru 9/2009, loron 29 fulan-Jullu no Lei númeru 3/2024, loron 12 fulan-Juñu, lísta sira ne’e taka sai hotu bá publiku iha loron 15 fulan-Janeiru, tinan ne’e.
