MSSI-UNICEF Entrega Ekipamentus Eletróniku ba ISS 20 Featured

By Evangelia Quefi Janeiru 16, 2023 174
Diretór Jeral ISS, Florencio Pina Dias simolikamente entrega ekipamentu eletroniku hanesan projector ba Servisu nain ISS. Foto:Media Gab,MSSI. Diretór Jeral ISS, Florencio Pina Dias simolikamente entrega ekipamentu eletroniku hanesan projector ba Servisu nain ISS. Foto:Media Gab,MSSI.

DILI: Ministeriu Solidariedade Sosial no Inkluzaun (MSSI) hamutuk ho Fundus Nasoens Unidas ba Infánsia (UNICEF-Sigla Inglés), entrega ekipamentus eletróniku ba Instituisaun Solidariedade Sosial hamutuk rua nulu (20), ne’ebé durante ne’e hala’o servisu hodi tau matan ba labarik sira.

Tuir Diretór Jeral ISS, Florencio Pina Dias, hatete,  ekipamentus eletróniku hirak ne’e atu fasilita ISS sira ne’ebé liga liu ba programa aprendijazen ba labarik sira ne’ebé hetan tulun husi ISS ne’e rasik.

“Ida ne'e parte ida husi programa Ministériu Edukasaun iha tempu pandemia Covid-19 ne’ebé hanaran Eskola ba Uma no Ministériu solidaridade sosial hanoin katak, maske Covid-19 liu ona maibé ekipamentus ida ne'e pertenente tebes ba ita atu kontinua reforsa Instutuisaun Solidaridade Sosial sira hodi nune'e sira bele kontinua nafatin halo atividade extra ba labarik sira,”dehan nia ba Jornalista iha Salaun MSSI, Kaikoli, sesta (13/01).

Nia hatutan, ekipamentus ne’ebé MSSI ho UNICEF entrega ba ISS 20 mak hanesan, projectór no tableta. Enkuantu kada instituisaun ida hetan projectór ida no tabela ida.

Nune’e tuir planu, Diretór ne’e haktuir, ba oin sei haree iha faze tuir mai hodi kontinua buka dalan atu bele ajuda tan instituisaun sira.

Iha fatin hanesan Xefe Protesaun Labarik husi UNICEF, Domingos Da Costa Sousa, hatete, UNICEF nafatin iha komitmentu atu garante katak labarik hotu iha Timor-Leste tenki goza sira nia direitu liliu ba situasaun balun hanesan Covid-19 afeita tebes ba labarik sira iha prosesu aprendijazen.

“Apoi ida ne’e ita halo liga ho programa Ministeriu Edukasaun nian ne’ebé hanaran Eskola ba Uma, tanba programa ida ne’e iha mós ninia difikuldade hodi implementa ho diak, liliu liga ba fasilidade,” nia dehan.

Nune’e ho ekipametus  eletróniku ida ne’e, UNICEF apoiu ba MSSI ne’ebé servisu hamutuk ho MEJD fasilita ISS sira atu bele garante katak, labarik sira iha nia tempu livre nafatin bele asesu ba iha plataforma ka programa ne’ebé MEJD estabelese ona.

Entretantu, Diretóra Orfonatu FMA Venilale Madre Celina de fatima seran, hatete, ekipamentu ne'ebé sira simu hodi  tulun labarik sira atu aprende di'ak liu tan ho teknolojia.

 

Rate this item
(0 votes)

Independente Digital TV