“Pagamentu ba reklamante subsidiu fim do ano nia dadaun ne'e iha ona faze perparasaun, tempu badak sei halo pagamentu ba sira ne'ebé seidauk hetan sira nia direitu,”dehan nia iha Edifisiu MSSI, Kaikoli, kinta (09/02).

Governante ne’e, informa, pagamentu ba reklamante subsídiu $200, husi totál raklamantes 8.812 komberta ba orsamentu pruvolta tokon U$1.8.

“Tanba, Konsellu Ministru aprova ona no iha tempu badak reklamante sira sei hetan fila-fali sira-nia direitu,”tenik nia.

Entretantu, molok ne’e, iha loron 1 fulan-Fevereiru, Governu liu husi reuniaun Konsellu Ministru, aprova Dekretu-lei ne'ebé aprezenta husi Vise-Ministra MSSI kona-ba alterasaun daruak ba Dekretu-lei n.37/2022, loron 25 fulan-Maiu kona-ba subsidiu Fim do ano ba uma kain sira.

Tanba ne’e, Ministru Prezidensial Konsellu Ministru, Fidelis Leite Mangalhães, hatete, alterasaun dekretu lei ne'e hodi bele garante pagamentu subsidiu refere ba reklamante sira ne'ebé hato'o ona sira nia reklamasaun ne'ebé aprezenta no aseita husi komisaun pagamentu.

Objetivu husi projetu Dekretu Lei ne'e atu alarga períodu pagamentu to'o loron 30 fulan-Abril tinan 2023.

"Ida ne'e atu fasilita governu tenki halo melloramentu, halo ajustamentu sira liliu atu halo avansa ho hirak ne'ebé verifikadu katak iha duni direitu, maibé lakonsege hetan”.