Diretora Sentru Solidariedade Sosiál no Inkluzaun Munisípiu Dili, Judit dos Reis Sarmento hatete, ai-han ne’ebé MSSI apoia ba UMDTL hanesan foos no ai-han suplementares hodi sustenta sira nia durante hala’o sira nia estudu.
“Ohin ami fó de'it buat ne’ebé maka MSSI iha mak hanesan, Foos no ai-han suplementár ba maluk difisiente matan sira hodi sustenta sira nia moris loro-loron nian,” dehan Diretora liu husi komunikandu ne’ebé Online INEPEDENTE asesu iha loron Sesta, (14/06).
MSSI nia apoiu, tuir komunikadu, Uniaun Defisiensia Matan Timor Leste (UDMTL), halo pedidu ba governu hodi husu tulun.
Uniaun Defisiensia Matan Timor Leste (UDMTL) hirak ne’e, hela permanente iha edifisiu UDMTL hodi hala’o atividade eskola no tuir formasaun Becora.
Apoiu ne'e MSSI responde hafoin UDMTL hala'o enkontru ida ho Ministra MSSI, Verónica das Dores, horiseik loron kinta, 13 Juñu no Ministra kompromete atu apoiu nesesidade báziku hanesan ai-han ba maluk Defisiénsia Matan.