Nia dehan, kooperasaun internasionál asuntu ne'ebé sai hanesan konflitu globál ne'ebé agora mundu hasoru, ko'alia mós kona-ba preparativu atu simu bainaka sira, embaixadór sira foun no mós fatin ba sira ne'ebé atu mai.

"Hanesan Angola, Inglaterra, no Singapura, haree fatin ba sira depois haree mós ita-nia pozisaun kolokasaun embiaxadór sira ba rai-li'ur," dehan Bendito, iha Palasiu Prezidensiál, Bairru-Pité, horisehik.

Nia hatutan, asuntu prinsipál mak Xefe Estadu ho MNEK hamutuk haree, refleta kona-ba situasaun polítiku global, liuliu deklarasaun Timor Leste nian ba polítika globál asuntu sira hanesan kestaun sira Myanmar no Ukránia. Timor-Leste nia polítika esternu sei lian ida de'it bazeia ba deklarasaun ne'ebé governu sei hato'o iha Konsellu Ministru.

Nune'e, diskute uitoan kona-ba planu Prezidente Repúblika nia viajen ne'ebé sei hala'o ba Maputo-Mozambike, depois liu ba Angola-Luanda.

Alende ne'e, mós haree kona-ba situasaun infraestrutura iha rai-laran, sita uitoan kona-ba edifísiu ida ne'ebé PATEO harii hela ne'e posibilidade ba futuru governu bele aluga ka hola uma ne'e depois futuramente bele sai rezidensia ba misaun estrajeiru embiaxada sira ne'e depois mós sira sei iha rendimentu ne'ebé tama mai gradualmente núfim bele rekupera.

Maibé, parte seluk iha hasoru difikuldade kona-ba rai ne'e, koordenasaun ne'ebé limitasaun ho dezafiu hotu buka atu bele fó fatin di'ak, tanba prezensa diplomata sira ne'e importante atu bele fortalese hamutuk kooperasaun bilaterál.