MS haruka responsável saúde husu pedidu ba INFPN bainhira ai-moruk stock mamuk Featured

By Ivonia Varela Fevereiru 24, 2024 261
Ministra Saúde Elia dos Reis Amaral. Foto:INDEPENDENTE. Ministra Saúde Elia dos Reis Amaral. Foto:INDEPENDENTE.

DILI: Ministra Saúde Elia dos Reis Amaral haruka responsável sentru saúde sira iha munisípiu, atu hato’o pedidu ba Ministériu Saúde liu husi Institutu Nasionál Farmasia No Produtu Medikamentu (INFPM), bainhira ai-moruk stock laiha.

Minístra dehan, ba responsável husi servisu saúde munisípiu sira atu hato’o pedidu kona-ba ba ai-moruk stock out tanba dadaun ne’e ai-moruk armajen INFPM iha ona.
“Ita husu mos ba parte servísu munisípiu sira ne’ebé responsabilidade atu hato’o sira nia pedidu ba servisu sentra liliu ba iha INFPM atu bele propoen fatin medikamentu hodi hatama fila-fali ba armajen sira ne’ebé mak sai prekupasaun,” hateten nia iha meet the press ne’ebé SEKONS realiza iha kinta (22/02)
Enkuantu, iha loron haat fula Fevereiru, kompañia Sali-Magu Unipesoal Lda, hatama ona ai-moruk kontentor tolu iha INFPM.
Diretór Aprovizionamentu INFPM, Mariano da Silva Marques esplika katak ai-moruk ne’ebé kompañia Sali-Magu hatama kontentór tolu ne’e iha item sia, no ai-moruk hirak ne’e mak hanesan, Amoxilin Sirup, Amoldepine, Parcetamol Sirup, Bromhexin, Salbutamol no seluk tan.

Rate this item
(2 votes)

Independente Digital TV