MS Agradese Ba Sali-Magu Tanba Kompra Ona Ai-Moruk Ho Urjénsia Featured

By Ivonia Varela Fevereiru 24, 2024 649
Aimoruk kontentor 3 neebe Kompania Sali Magu sosa husi INFPM. Foto:Dok. Aimoruk kontentor 3 neebe Kompania Sali Magu sosa husi INFPM. Foto:Dok.

DILI: Minístra Saúde Elia dos Reis Amaral dehan, tenki hato’o agradese ba kompaña Sali-Magu tanba bele kompra ona ai-moruk ho urjénsia.

Minístra Saúde, Elia dos Reis Amaral hatete, bainhira Governu KOnstitusionál dasia tama iha Ministériu Saúde identika katak, ai-moruk la iha duni no iha persentajem ne’ebé sai prekupasaun tan ne’e bazeia ba ida ne’e mak ministériu hamutuk ho kompaña halo kompra urjénsia.
“ha’u atu informa de’it katak ita agradese ba kompaña ne’ebé mak bele atende ba iha kompra urjente, tanba banhira IX Governu ha’u rasik identifika katak ai-moruk la iha duni no ita persentajen ne’ebé mak sai preukupasaun entau bazeia ba ida ne’e mak ita halo kompra de urjénsia,” dehan MS iha Salaun PCM, Kinta (22/02).
Governante ne’e afirma, bazeia ba relatóriu ne’ebé ministra simu katak kompaña Sali-Magu ba ona terseira parte hatama ai-moruk.
Tanba, hare ba ai-moruk nia persentajen ne’ebé sai preokupasaun iha loron 16 fulan-Outubru tinan 2023 MS liu husi despaixu númeru 22/MS/X/2023/ hodi adjudika Kompaña Sali-Magu ordena no haruka kontratu no ajudikasaun ba Kamara Kontas atu hetan vistu previu.
Hafoin, hetan vistu husi kamara kontas iha loron 18 fulan outubru 2023/ Minístra, Elia ho Diretór Kompaña Sali-Magu asina kontratu. No kontratu refere hatete, kompaña tenki hatama sasán tuir kontratu iha loron 40 hafoin asina.
Enkuantu, iha loron 17 fulan-Fevereiru Diretór Sali-Magu Sansão Gomes ba Jornalista INDEPEDENTE dehan maske kompaña hatama ona ai-moruk ba dala tolu maibé seidauk hetan pagamentu husi governu. Tan ne’e durante iha prosesu negosiu kompaña Sali-Magu uza rasik nia osan.

Rate this item
(1 Vote)

Independente Digital TV