"Kazu Primeiru Covid-19 deteta ona iha Timor-Leste, ema ne'e foin fila husi rai liur, agora dadauk izola hela iha nia uma, nia kondisaun diak ituan", dehan Elia liu husi konferensia imprensa iha palasiu Sinzas kaikoli Dili, sabadu (21/3).

Ministra ne'e hatutan, Departamentu vizilansia epidemiologia investiga kedas kazu ne'e atu analiza risku ba publiku no ema ne'ebe kontaktu ho ema ne'e.

"Ema ne'e agora dadauk izola hela iha fatin adekuadu saude nian, Departamentu vizilansia sei kontinua monitor ema ne'e lor-loron no ida ne'e la boot ba publiku", tenik Nia

Elia afirma, risku la boot ba publiku, tanba suspeitu ne'e informa kedas nia an ba pesoal saude, wainhira nia sente nia an hetan sintomas Covid-19 nomos nia izola an kedas.

Nia hatutan, Kazu seluk tan sei hein rezultadu husi laboratorium, nune'e apela ba populasaun tomak favor boot kompri nafatin meus sira ne'ebe orientasaun husi organizasaun mundial saude (OMS).

Husu ba entidades hotu-hotu atu atensaun no servisu hamutuk hodi kontrola fronteira sira hodi kombate Corona Virus Desiase (Covid-19).

Entertantu parte ministeriu saude la fo sai identidade lolos ba suspeitu ne'ebe agora iha Timor-Leste sai ona rezultadu pozitivu ba moras Corona Virus (Covid-19).