Tuir Komandante Operasaun Nasional,Superentindente Xefe, Pedro Belo hatete, rezolusaun bandu ona nasaun 147 tama timor no taka fronteira sira ne’e labele tama mai iha timor-leste, maibe la taka dalan ba sidadadaun timoroan sira.
“Oras ne’e dadaun parte seguransa liu-liu unidade patrilla fronteira UPF dadaun halo seguransa makaas iha fronteira nian, ema sira tama sai illegal, UPF sei kordena ho komandu munisipiu Bobonaro, Suai nian dadaun aumenta volume makas loos,”tenik Pedro Belo iha konfrensia imprensa ne'ebé hala’o iha salaun SEFOPE, Kaikoli, ohin (20/03).
Pedro realsa, kualker sidadaun timoroan no estranjeiru ne’ebé mak tama ilegal,sei prosesu tuir lei, ba sidadaun timoroan ne’ebé mak tama la koopera, obrigatoriamente sei kaer sira hatama ba karentina, tanba dadaun ne’e nasaun viziñu indonezia barak liu mak kona ona Corona virus.
Nia reforsa, Komandu Jerál Polisia Nasional Timor-Leste, fó ona orientasaun katak sidadaun sira ne’ebé mak tama tenke liu husi kuarentena.
“Sidadaun sira ne’e mak lakoi koopera tama kuarentina halai lakon polisia parte investigasaun sei halo ba ema ne’ebé la kumpri kodigu penal desobidensia tenke kaer nian sulan ba kadeia atu nunee labele halimar ho moras ne’ebé dadaun ne’e hasoru covid-19,”tenik Pedro.
Tuir Pedro katak, moras ne’e laos kilat ou bom, maibé ida ne’e moras ne’ebé hadaet ba ema hotu bele liu husi anin no ema hotu nunee presiza ema hotu kolobora atu kontrolu, Nunee husu ba sidadaun balun ne’ebé mak tama ona illegal iha familia nia leet favor ida atu koopera.
