Sekretáriu Jerál FRETILIN, Marí Alkatiri hatete, partidu rua hamutuk hodi loke aan atu bele kontribui harii nasaun foun ida hodi hamosu unidade nasionál hodi bele sai husi impase ne'e. Nasaun presija hakotu impase hodi hahu mós luta importante atu manan corona virus, tanba nasaun presija kompete kontra corona virus.

"Asina deklarasaun foun ida, laos par atu halo aliansa foun, maibé atu define plata forma intendimentu ida atu loke aan halibur ema hotu-hotu atu luta kontra corona virus, laos.atu hamutuk par naok impase politika ida ne'e,"dehan nia, iha deklrsaun konjunta, iha Hotel Timor, Sabado (21/03).

Eis Primeiru Ministru haktuir, partidu mais votadu FRETILIN deside hamutuk ho PLP atu hahú prosesu ne'e, tanba FRETILIN defende prinsipiu ida Timor-Leste kuaze tinan tolu impase, Governu minoritariu laiha sustentabilidade nune'e Governu maioria mós laiha sustentabilidade.

Tanba ne'e, tuir nia bainhira atu halo governativa ida ho prinsipiu inklui hotu-hotu sira nia hakarak ne’e mak sei iha sustentavel governativa.

"Ha’u fiar biar FRETILIN ho PLP hamutuk kadeira 31 votus, se aban bainrua forma duni governu IX programa no orsamentu sei liu,"dehan nia.

Nia katak, partidu sira iha PN kole ona ho impase politiku, tanba ne’e se mak ukun tenke rezolve uluk povu nia.

Prezidente Partidu Libertasaun Popular (PLP), atuál Primeiru Ministru, Taur Matan Ruak hatete, depois orsamentu jeral estadu sumba iha Parlamentu Nasionál, loke dalan ba alternativu foun hodi prosesu atu hetan governasaun foun.

"PLP prontu servisu hamutuk ho FRETILIN hodi loke dalan no oportuinidade hodi buka solusaun no solusaun saida deit mak Pezidente Repúblika deside PLP prontu par fó nia kontribuisaun,"dehan Taur.

Iha sermonia asina nota entedimentu entre FRETILIN ho PLP, asiste mos husi kuadru partidu KHUNTO balun.