Ministra Saúde, Odete Maria Freitas Belo hateten, preokupasaun ne’ebé hato’o husi maluk defisiénsia, ho atendimentu parteira sira nian iha 2018, iha tinan ne’ebá diferensia mai iha tinan 2021.

“Ita espera katak, iha tinan 2021 ba oin la akontese tan, se iha tinan ne’e mak ita sei rona liafuan sira ne’ebé mak la merese atu hasai, ita tenke kestiona no levenata asuntu ida ne’e ho sériu,” Odete hateten iha salaun Delta Nova, hafoin partisipa Dialogu Gabinete situasaun ne’ebé  kondisivu  ba ema ho defisiénsia, Kinta  (11/11).

Ministra rekoñese, hahalok hirak ne’e sensitivu tebes, tanba Goveru gasta osan no tempu ba médiku, nune’e  se Governu gasta osan no tempu mak persija produtu ida ne’ebé kaulidade, maibé se hotu ona mak médiku parteira sira kontinua halo atendimentu ho liafuan ne’ebé ita ladun komprende, kona-ba saída ita gasta tempu.

 Loos, dalaruma mós bainhira mediku hasai liafuan ladun di’ak, pasiente atu hatan, maibé ta’uk médiku atu odiu, médiku sei lahalo hanesan ne’e, se sira halo hanesan ne’e mak ami sei skor ka hasai sira haruka sira hela de’it iha uma, ida ne’e ami halo.

“ Tanba ne’e, labele ta’uk atu aprezenta keixa sira hanesan ne’e, liu-liu liafuan sria ne’ebé makaas no kro’at hodi hasoru ita nia maluk sira ho defisiensia, entau ita iha obrigasaun atu koalia hasoru sira,” tenik nia.