Kongresu estraordinariu ne’e aprezenta pakote estrutura rua ida kompostu husi Prezidente TLPU, Jordão Hendrique, Vise Prezidente, Noemio Falcão, Sekretariu Jeral, Venidora Oliveira, Vise Sekrtetariu Jeral, Julito Ximenes, no Tezoreira, Rosa Prega.

Nune’e, pakote seluk komportu husi Prezidente TLPU, Candido Alves, Vise Prezidente Umbelia Amaral, Sekretariu Jeral, Zezito da Silva, Vise Sekretariu Jeral, Marcelino Bata, no Tezoreira Efigenia Texeira.

Nune’e, liuhusi prosesu eleisaun sekretu pakote ne’ebé prezide husi Candido Alves eleitu ho votu 135 no lista kandidatu seluk hetan votus 43.

“TLPU ne’e ita hotu nian. Sira ne’ebe lakon labele sente dehan lakon no hau ne’ebe manan la’os atu ba iha loron nia leten. Hau sei la’o ho imi, hau sei tur ho imi ita hotu ida deit maka TLPU ne’e tenke tau iha ida-idak nia fuan” dehan Prezidente TLPU eleitu, Candido Alves, iha nia diskursu, iha salaun Delta Nova, Sabadu (13/11).

Nia husu, ba governu ne’ebe kaer ukun katak durante ne’e mos tau-matan mai kaer misaun ne’e ba tinan ne’ebe naruk, naran katak kaer ne’e kolega sira bele apoiu.

Fukun ne’ebe hasoru ohin kona-ba frontline no liafuan ida dehan jornalista non Skill, maibe antes ne’e rona ministru dehan hadomi jornalista hotu ho fuan.

Nune’e mos Ministru Asuntu Parlmentu no Komunikasaun Sosial, Francisco Jeronimo hateten, mai atu ensera atividade ne’e tanba tempu naruk laiha lidernsa ida mak atu lidera organizasaun ne’e.

“Ho ida ne’e ita-boot sira hakarak re-estrutura fila-fali ita boot sira-nia organizasaun ne’ebé iha, no hau hatene katak iha ministeriu iha osan ne’ebé tau ba asosiasaun jornalista sira iha Timor-Leste, maibe seidauk ezekuta tanba iha problema balun,” dehan nia.

Nia dehan, tanba tinan tinan sempre iha orsamentu la boot maibe uituan atu ajuda asosiasaun sira para bele hamriik.