Tuir Ministra Saúde Elia dos Reis Amaral hatete, moras Chikungunya mai husi moras dengue nune’e nafatin kuidadu an iha tempu udan.

“Kazu foun Chikungunya ne’e ita relata katak nia mai husi susuk tanba ita hatene daudaun ne’e tempu udan, bainhira tata ema ida nia sinais sintonmas hanesan mós ho moras dengue,” dehan nia iha Palasiu governu, segunda (15/01).

Nia dehan, Chikungunya  nia akontese ba ema ida hanesan mós moras dengue hanesan isin manas , isin maliirin, ruin sin, no isin baruk, tanba ne’e ba taratmentu  ba médiku sira iha fasilidade saúde sira,  atu halo atendimentu ba pasiente sira  ne’ebé mak mai ho moras ida ne’e.

Ho ida ne’e,  Ministra Saúde agradese  ba pesoál saúde sira  ne’ebé durante ne’e halo prevensaun ba kazu dengue  ne’ebé mak mosu iha Timor Leste, Kazu dengue  ne’ebé mak durante iha ekipa sira  antes tama  fulan-Novembru halo ona fomigasaun tama sai uma  hodi prevene kazu dengue ida ne’e.

Tanba ne’e, Ministériu Saúde nia intervensaun mak nafatin aviza tama sai bairu hodi aviza ba komunidade sira, kona-ba moras dengue tanba kazu ida ne’e nia transmite mai husi susuk.

Entertantu, iha fulan janeiru ne’e Ministériu Saúde rejista   kazu chinkungunya pasiente besik na’in 20.