Dirijente foun na’in tolu mak, hanesan Prezidente Konsellu Administrasaun ba Timor GAP, E.P. Florentino Soares Ferreira, Prezidente ANPM Eng. António José Loiola de Sousa, no Prezidente Institutu ba Petróleu no Jeolojia (IPG) Gabriel Aparício.
Iha enkontru ne’e, Prezidente ANPM, Timor GAP no IPG ida-idak aprezenta an no halo atualizasaun ba Xefe Governu kona-ba progresu serbisu iha sira-nia instituisaun sira, ne’ebé importante liga ba atividade petrolífera nian.
Hafoin rona tiha aprezentasaun, Xefe Governu tau konfiansa tomak ba dirijente foun na’in tolu ne’e tanba mai ho esperiénsia profisionál.
Nunee Xefe Governu ne’e husu atu jere Instituisaun importante tolu ne’e ho di’ak no kuidadu hodi bele fó benefísiu ekonómiku, liuliu fó reseita ba Estadu hosi atividade sira petrolífera no rekursu minerais.
Xefe Ezekutivu mós husu, atu kontinua konkista hirak ne’ebé hetan ona hosi lideransa anterior sira, hodi buka mellora hirak ne’ebé di’ak ona no halo mudansa ba hirak ne’ebé la fó benefísiu.
Hola parte mós iha reuniaun ne’e, Ministru Prezidénsia Konsellu Ministru, Fidélis Leite Magalhães, no Ministru Asuntu Parlamentar no Komunikasaun Sosiál, Francisco Jerónimo.
