Komandante Jeral PNTL, Komisariu Jeral Polisia, Henrique da Costa hateten, komandu PNTL konvida sosiadade sivil ho akademiku hamutuk ho komandante Munisipiu balun ho Unidade balun no xefi gabinete iha kuartel jeral PNTL hodi diskuti konaba planu estratejiku PNTL nia ba period tinan 15 molok implementa.
“Ita-nia ekipa ida ohin ne’e konvida sira partisipa iha dikusaun planu estratejiku PNTL ne’e hodi haree prioridade ne’e ita koloka iha dokumentu ne’e molok implementa ne’e presiza haree atu aumenta programa ruma no hasai tiha programa balun atu dezemvolve insituisaun PNTL,” Dehan Komisariu Jeral Henrique ba Jornalista sira iha sentru formasaun Akademia komoro (29/03).
Tanba ne’e komandu PNTL konvida parseiru sira atu halo diskusaun ba planu estratejiku PNTL , depois remata sei entrega dokumentu ne’e ba sira bele lori ba uma hodi haree fila iha semana oin mak halo aprezentasaun.
“Husi dikusaun planu estratejiku ne’e konsulta ho entidade sosiadade sivil ho akademika hodi sai programa ida atu ita aprezenta rejultadu ba governu bele deside hodi dezemvolve instituisaun PNTL iha future,” dehan nia.
Tanba ne’e Planu estratejiku PNTL ne’e komandu PNTL sei implementa durante tinan 15 hahu iha 2023-2038 hodi haree pontu importante no programa prioridade hakerek iha dokumentu ne’e nia laran.
Iha fatin hanesan Visi Ministru Interior (MI) Antonio Armindo hateten, Planu estratejiku PNTL ne’e iha prioridade tolu mak importante ida konaba mak boa governasaun, seguransa nasional no igualdade jeneiru tolu ne’e mak sai pontu importante hodi dezemvolve insituisaun PNTL.
“Hau haree ona planu estratejiku PNTL neebe mak komandu PNTL ho pareiru sira prepara ona ida ne’e laos dumentus ba instituisaun PNTL nian deit, maibe dokumentus ne’e ba ita hotu atu mellara insituisaun PNTL,” informa nia.
Nia dehan, planu estratejiku ida ne’e difini ona insituisaun PNTL ne’e durante tinan 15 nia laran tenki lao hodi atinji nia rezultadu diak, maibe programa ne’e jeral sei iha tan programe ne’ebe mak kurtu prazu ho longu plazu.
Nia afirma, iha programa ida ne’e mos sei iha nia sub programa ne’ebe mak atu halo, maibe presiza identifika programa ne’e atu implementa kada tinan, espera PNTL kuinese diak nia programa ne’ebe mak iha tinan lima atu halo, tanba iha Ministeriu Interior Protesaun Sivil ho PNTL iha programa tolu mak importante.
“Ita iha programa tolu mak hanesan Boa governasaun ida ne’e mak prioridade ital abele foti liu husi ida ne’e no ita labele hamenus haree nia sub promgama ita implementa, seguransa nasional no jeneiru inkluzivu proragama tolu ne’e mak ita sei halo kada tinan,” hakotu nia.
Molok Komandante Jeral PNTL, Komisariu jeral Polisia Henrique da Costa Promete Planu prioridade lima (5), hodi dezemvolvimeentu iha Instituisaun Polisia Nasional Timor-Leste (PNTL), durante tinan tolu.
Nia dehan, durante mandantu tinan tolu (3), assume kargu nuudar komandante jeral PNTL foti prioridade lima (5) hodi implementa iha instituisaun PNTL atu hadia dezemvolvimentu infraestrutura no rekursu Humanu.
Nia informa, tinan 23 insituisaun PNTL eziste hanesan ema ho idade ne’ebe adultu ona, ne'e nu'udar idade formativu ida ba PNTL ne'ebé atu bele define nia karakteriztika no hamriik firme iha komunidade Timor-Leste nia leet.
“Ami aprende husi ami-nia istória dezenvolvimentu no dezafiu sira iha pasadu ne'ebé apár ba ami-nia ajenda estratéjiku atu kontinua dezenvolve PNTL sai maturidade, dutante ami nia mandatu tinan 3 nia laran, ami foti prioridade 5 atu implementa,” Dehan Henrique iha diskursu ofisial hafoin simu tomada de pose iha ambitu Aniversariu PNTL ba dala XXIII iha kuartel UEP, bairo Pitte Dili foi lalais ne’e.
