Vise Ministru Komersiu no Industria, Augosto Junior Trindade hatete, tempu badak MKI hala’o ona kampaña nasional ida hodi ko'alia kona-ba produsaun ka industria bee, nune’e bele redus importasaun aqua husi rai liur.
"Tempu badak ami sei halo kampaña nasionál ida, tanba ita iha bee minimu rua ne’ebé tuir kualidade laboratóriu iha Timor ho Australia, ita iha bee kualidade di'ak,"dehan nia ba jornalista INDEPENDENTE iha Knaar fatin Bebora horisehik (08/01).
Nia dehan, objetivu husi kampaña nasionál ne'e, oinsa produtu ka industria nasionál sira bele subtitui ona produtu importasaun husi nasaun. Tan ne’e, MKI sei koordena ho Autoridade Aduaneiru Alfandega no Ministériu Finansas \atu bele hare ona produtu importasaun bee ne'ebé lori mai TL.
Maske nune’e,nia rekoñese TL adopta Merkadu Livre, ne’e duni primeiru Presiza halo protesaun ba produsaun iha rai laran, tanba industria bee Timor nian barak mak iha kualidade di’ak.
"Ita halo protesaun depois promove sira, la’os hare de’it ba kuantidade mais presiza hare mós ninia kualidade, nune’e bele kompete ho produtu sira husi liur," tenik nia.
