MKI Sei Promove Produtu Kompañia Mahanaim Featured

By Januário Assunção Fevereiru 10, 2024 478
Vise Ministru Komersiu no Indústria Augusto Júnior Trindade vizita kompaña Mahanaim Garment and Manufakturing (Produsaun Roupa) iha Bidau Dili. Objetivu vizita ne’e hodi haree nia progresu indusria ne’e rasik nune’e ba oin governu bele servisu hamutuk ho kompaña hodi promove produtu ne’ebé  produs ona. Foto: Media MKI. Vise Ministru Komersiu no Indústria Augusto Júnior Trindade vizita kompaña Mahanaim Garment and Manufakturing (Produsaun Roupa) iha Bidau Dili. Objetivu vizita ne’e hodi haree nia progresu indusria ne’e rasik nune’e ba oin governu bele servisu hamutuk ho kompaña hodi promove produtu ne’ebé produs ona. Foto: Media MKI.

DILI: Ministériu Komersiu Industria (MKI) sei promove produtu husi kompaña Mahanaim ne’ebé loke alfaiati kuaze tinan walu (8) hodi produs (suku) ropa ho kualidade di’ak.

Vise Ministru Komersiu Industria, Agousto Junior Trindade hatete, governu liu husi Ministeriu presiza apoiu no promove inisiativa sira ne’e, tanba iha Timor oan ne’ebé hatudu ona suku ropa ho kualidade.

“Afinal ita nia produtu rai laran mós kualidade diak, ita hare Garbing Boutik ida, Mana Claricia produz ona sasan lubuk ida hodi exporta ba nasaun Australia, Eropa no Amerika, tanba ne’e Ministériu mai vizita para promove,” dehan Agousto Junior Trindade ba Jornalista INDEPENDENTE iha Lesidere, (08/02).

Empreza ne'e, emprega Timor oan lubuk ida mak hala’o servisu suku Ropa ho Kualidade ne'ebé di'ak, tanba kompaña rasik uza hena tuir internasionál Zara nian.

Tanba ne'e, empreza tenke hatudu nafatin komitmentu ho kualidade ne'ebe roupa importasaun sira mai TL.

"Entaun saida mak governu halo mak presiza servisu hamutuk ho setor privadu, liu-liu nain ba Garmen ne'e rasik para hare em termus kualidade tenke eleva no kuantidade produsaun," tenik nia.

Tanba governu tenke sukat demanda produsaun, presu no kualidade para bele fó sai ba Públiku liu-liu iha rai laran katak TL mós iha ona Roupa kualidade no bele Ko'alia ho Emxaidor TL iha rai liur para bele promove Produtu TL nian.

" Depois ita sei ko'alia ho Adidu no Embaixador sira para hatais ita nia produtu sira iha okaziaun formál sira ne'e iha rai liur tanba iha ne'e merek ita nian rasik iha hakerek (Liafuan) ITA NIAN,DONA MARIA ho MAHANAIM" dehan nia.

Husi Tipu Tolu ne'e iha klasifikasaun la hanesan,iha Tipu Mahanaim Folin as,Tipu ho ITA NIAN folin tuir no Tipu MAHANAIM tuir,tanba iha kualidade ne'ebe di'ak no produz iha Rai laran.

Iha Fatin hanesan Nain ba Boutik Claricia Lay agradese ba MKI tanba Bele Vizita ona hodi bele apoiu promove Produtu ne'ebe durante ne'e produs iha rai laran.

“Ita nian kualidade hanesan ho ZARA (Industria Roupa Internasionál) maibé kualidade hena liu ona ZARA,laos ha’u gaba an maibé ita nia maluk Timoroan kuaze sosa ona roupa sira bele hatene kualidade”dehan nia.

Nia dehan,maske Merkadu iha TL sei kiik maibé liu husi Vizita MKI rasik sei bele apoiu sira oinsa atu halo promosaun di’ak ho exporta tan roupa sira ne’ebé iha ba nasaun sira seluk ne’ebé seidauk tama.

Tanba durante ne’e kompaña rasik emprega ona servisu ba Timoroan sira hamutuk 300 resin maibé fahe ona balun halo servisu iha uma de’it no ativu suku roupa iha kompaña rasik hamutuk 30.

Nia dehan,Timoroan sira no ema estranjeiru sira sempre halo kompras ba roupa ne’ebé sira faan mak,Potugál rasik,Australia,Familia husi Timor Plaza rasik,tanba hena kualidade di’ak no ba futuru bele kontinua exporta tan ba nasaun seluk inklui mós kompaña rasik rekomenda MKI atu bolu nain ba Kompaña ZARA hodi bele mai TL hodi haree Produtu ne’ebé sira suku.

“Vizita (Vise Ministru MKI) ne’e fó suporta forsa mai ami bele kontinua halao tuir mehi ne’ebé ami iha katak ami mós bele loke loja ida Mahanaim para bele halo iha nasaun seluk liu-liu ba iha Amerika,Bali”dehan nia

Rate this item
(0 votes)
Last modified on Domingu, 11 Fevereiru 2024 15:21

Independente Digital TV