Diretór Exekutivu TIC Timor,I.P, Venancio Pinto hateten, SEFOPE ho TIC Timor,I.P marka tan espasu foun hodi alkansa programa IX governu nia kona-ba dejitalizasaun no servisu balun ne’ebé importante.
"TIC Timor simu papel ida ne'ebe todan atu halo tanbá ita koalia kona-ba Teknolojia Informasaun no Komunikasaun TIC Timor, I.P no ida koalia governu eletroniku," Dehan Nia ba Jornalista sira iha salaun SEFOPE Kaikoli, Kinta (08/02).
Nia dehan, governu dasia fo programa ba TIC Timor ho papel importante tebes tanbá hare'e husi aspetu Timor-Leste atu adere ba ASAEN ho dijitalizasaun sira ne'e sai kreteria ida ne'ebe importante tebes ba Timor-Leste nune'e bele tama ba ASEAN.
Iha momentu ida ne'e SEFOPE hanoin diak hakarak desenvolve ho situasaun sira ne'e, husi manual ba dijital tanbá hare'e husi mudansa sira ne'e no nasaun barak muda sira nia la uza tan surat tahan no buat hotu liu husi dijital.
TIC Timor husu ba SEFOPE bele hare'e momentu ida diak tebes tanbá governu dasia hanoin diak katak ba futuru sei dejitilizasaun hotu buat ne'ebé husi atendementu publiku nian.
Aleinde ne'e TIC servisu hamutuk ho Ministeriu Justisa konsege realiza ajendamentu kona-ba passaporte hodi atendementu ba publiku nia iha Ministeriu Justisa liu-liu iha Notiriadu Munisipiu Dili.
