TLPDP Apoiu MI Hadia Mata-dalan Seguransa Rodaviaria Featured

By Domingos Gomes Fevereiru 10, 2024 554
Programa Dezenvolvimentu Polísia Timor-Leste (sigla inglés;TLPDP) halo kolaborasaun ho Ministériu Interior, hamutuk ho Komandu Jerál Polísia Nasionál Timor-Leste (PNTL), hala’o semináriu ba daruak hodi koalia kona-ba oinsá bele eleva kuñesimentu motorista sira atu disiplina iha estrada publiku. Foto:Media MI. Programa Dezenvolvimentu Polísia Timor-Leste (sigla inglés;TLPDP) halo kolaborasaun ho Ministériu Interior, hamutuk ho Komandu Jerál Polísia Nasionál Timor-Leste (PNTL), hala’o semináriu ba daruak hodi koalia kona-ba oinsá bele eleva kuñesimentu motorista sira atu disiplina iha estrada publiku. Foto:Media MI.

DILI: Programa Dezenvolvimentu Polisia Timor-Leste (TLPDP), apoiu Ministeriu Interior (MI) hadia matadalan seguransa rodaviaria, nune’e orienta Polisia Nasional Timor-Leste (PNTL) atu eduka motorista sira kumpri regra  estrada publiku.

Komandante TLPDP, superintendente Darren Booy hateten, objetivu sorumutu ne’e atu hadia planu prioridade  ba matadalan dezenvolvimentu seguransa rodaviariu, nune’e bele eduka sidadaun respeita regra sinais tranzitu iha estrada publiku.

“Ami apoiu Ministeriu Interior ho inisiativa hakarak hadia planu prioridade sira, nune’e bele dezenvolve kampaña seguransa rodoviária, liu husi eduka sidadaun sira respeita lei tranzitu no halo sensibilizasaun ba komunidade sira atu kumpri kodigu estrada iha teritoriu Timor-Leste,” dehan Darren Booy iha nota imprensa ne’ebé INDEPENDENTE asesu, (08/02).

Darrem Booy, promete, TLPDP kontinua apoiu nafatin Ministeriu Interior hodi dezenvolve kampaña seguransa rodoviária ba publiku bainhira hetan ona aprovasaun final hodi orienta PNTL kontiua  hakat  faze implementasaun iha tempu besik.

“Ami iha vontade tomak hodi apoiu siklu ne’e para reforsa ka dezenvolve modelu seguransa rodoviaria nian, tan ne’e publikasaun liu husi media no panfletu sira ne’e tenke ho konsistensia nune’e publiku sira bele komprende,”  informa nia.

Nia informa, matadalan konaba seguransa rodaviariu  ida ne’e hadia hetan apresiasaun husi Governu iha semana dahuluk sei halo sensivilizasaun produs panfletu liu husi mensajen badak ba komunidade sira, hafoin halo mos kampaña liu husi relasaun publika hodi fo sai nafatin mensajen atu hasa’e kuñementu publiku utiliza transporte iha estrada publiku.

“Panfletu sira ne’e bele sai hanesan alerta ida ba publiku, bainhira komunidade lakoi halo tuir aplika multa,  maibe hau hatene katak atividade sira ne’e dala ruma halo ona, maibe presija halo beibeik tanba neneik sei konsistensia no muda ema nia mentalidade,” afirma nia.

Tanba ne’e TLPDP hakarak rekuñese  apresia planu ida ne’e importante tebes, tanba iha ligasaun ho eduksaun no alerta ba komunidade tomak iha TL presiza iha asaun klaru ba implementasaun regra seguransa rodaviariu iha estrada publiku.

“Konseitu ne’e dalaruma foun ba PNTL no relasaun publika, maibe ida ne’e simples no efetivu, dala ruma ita hare ema para dupla iha estrada hodi kauza ba trafiku no ema wain la preokupa, maibe presiza muda sira nia mentalidade,” subliña nia.

Nia hatutan,  prezenta TLPDP kontinua apoiu Tranzitu hodi sosializa kodigu estrada halo sinerjia no halo revizaun  atualizasaun ba enkuadramentu legal sira, nune’e bele responde ba evolusaun tranzitu iha kapital Dili ne’ebe dinamiku tebes, no mos bele ajuda organiza motorista sira nia komportamentu iha estrada publiku.

Entretantu iha sorumutu diskusaun ida ne’e hetan partisipasaun husi Komandante Komandu Operasaun PNTL, Superintendente Xefi Polisia Jose Soares, Diretora Nasional Seguransa Rodoviaria Ministeriu Interior Domingas Maia Barros, Komandante Tranzitu Nasional, Komandante Tranzitu Munisipiu Dili, inklui asesor sira husi TLPDP ho Ministeriu Interior halo diskusaun ba matadalan seguransa rodaviariu iha area Hudi-Laran.

Rate this item
(0 votes)
Last modified on Domingu, 11 Fevereiru 2024 15:11

Independente Digital TV