Nia dehan, obejtivu prinsipal husi eventu ne’e atu promove setor Pekuária hahú husi produtor, koletor, prosesamentu, distributor to’o merkadu, eventu refere hahú rezistu iha dia, 23 Fevereiru 2023 no kompetisaun sei realiza iha fulan Setembru tinan ne’e, iha Instituto de Apoio ao Desenvolvimento Empresarial (IADE), Mandarin-Dili.

“Kompetisãun ida ne’e nudar oportunidade ba ita nia foinsa’e sira hodi hatudu sira nia talenta no matenek atu esplora rekurusu ne’ebé ita nia rain iha no kompetisaun ne’e mós sai modelu ou role model ba empreza sira,”dehan nia iha salaun IADE Mandarin, tersa (21/02).

Governante ne’e dehan, Governu liu husi IADE hatudu nia komitmentu politik hodi apoiu setor produtivu tanba setor produtivu nudar pilar ida ne’ebé importante hodi hasa’e kresimentu ekonomia rai laran.

Iha fatin hanesan, Diretór IADE, Filomeno Marcelino hatete, kompetisaun planu negosiu inovativu ne’e sai ona planu prioridade IADE nian kada tinan.

Nune’e, iha tinan ida ne’e kompetisaun planu negosiu inovativu iha área pekuária tinan 2023 sei hahú etapa haat hanesan, rejistrasaun, selesaun, formasaun akonsellamentu emprezarial no mós kompetisaun.