MJ sosa ona Mákina Impresora Pasaporte Rua Featured

By Ivonia Varela Juñu 22, 2024 606
Foto:Google. Foto:Google.

DILI: Ministériu Justisa (MJ) sosa ona mákina impressora passaporte unidade rua (2) hodi halo atendimentu di’ak liu-tán bá timoroan sira ne’ebé iha hela prosesu instalasaun sistema.

Ministru Justisa, Sérgio de Jesus Fernandes da Costa Hornai, hatete, dadaun ne’e sosa ona mákina empresores rua (2), no nia prosesu iha ona faze pagamentu no instalasaun sistema.

“Kona-bá pasaporte, daudaun ne’e ita iha ona mákina rua ne’ebé ninia prosesu to’o ona iha faze pagamentu. Agora kompaña halo hela instalasaun atu sira bele kompleta tuir sira-nia devér no obrigasaun,” dehan Ministru hafoin hasoru malu Primeiru Ministru iha Palasiu Governu, Sesta (21/08).

Governante afirma, Governu kontrata empreza ida ho naran Thales ho ninia sede iha Singapura hodi sosa impressora rua ne’e ho valór orsamentu $330.000.

Ministru Justisa mós rekoñese katak, durante ne’e tratamentu pasaporte tarde tanba iha duni impressora tolu maibé rua avaria, no atu bele normaliza lalais atendimentu presiza iha ninia fatin própriu no oras-ne’e halo hela instalasaun atu iha konetividade bá sistema ne’ebé antes ne’e estebelese ona.

Kona-bá estoke kaderneta pasaporte, sei sufisiente hela atu bele hatán bá nesesidade sidadaun sira-nian no Ministériu Justisa halo hela avaliasaun atu haree oinsá hadi’a di’ak liu-tán atendimentu públiku.

Rate this item
(0 votes)

Independente Digital TV