Deklarasaun husi PR Horta ne’e hodi hataan lia-husu husi jornalista ne’ebé liga ezekusaun minimu ho kapasidade ezekusaun husi membru governu sira.
“Sim, ne'e falta (kapasidade) membru governu nian bainhira la ezekuta orsamentu. Mezmu orsamentu ne'e hatun en-relasaun ba anteriór, tanba maun Xanana hatete duni atu kontensaun despeza hatun, atu ministru sira hatudu kapasidade implementasaun.”
“Se ministériu ida la hatene ezekuta nia orsamentu, entaun tenke haree didi'ak produtividade kompeténsia ministériu ne'e,” dehan PR Horta ba jornalista sira hafoin akompaña Primeira Ministru, Kay Rala Xanana Gusmão, selebra loron moris ba tinan 78, iha Kantina Matak, Palasiu Prezidensia Bairo-pite, Kinta (20/06).
Maske nune’e, PR Horta dehan, foin mak to’o iha tinan nia klaran, tan ne’e sei haree fali ezekusaun iha fulan Juñu no Jullu.
“Mais ita foin mak metade do ano. Fulan Juñu ba Jullu ita sei haree. Mais ne'e lá'os ha'u-nia kompeténsia, ne'e Primeiru Ministru nia kompeténsia, Primeiru Ministru nia kredibilidade, nia autoridade rasik atu haree buat sira ne'e,” dehan Xefe Estadu ne’e.
Entretantu, tuir dadus ne’ebé Jornal INDEPENDENTE asesu husi Portal Transparansia, to’o iha 31 Maiu 2024, iha instituisaun haat ne’ebé seidauk ezekuta sira-nia orsamentu, hanesan Vise Primeiru Ministru ba Área Ekonomika ne’ebé hetan alokasaun orsamentu $400,000; Instituto de Pesquisa Desenvolvimento Formação do Bambu ne’ebé hetan alokasaun orsamentu $847,525; Instituto Nacional de Segurança Social ho orsamentu $92,822,948; Fundo de Reserva da Segurança Social ho osan $254,795,707; no Millennium Challenges Accounts de Timor Leste ho osan $11,150,000.
Husi orsamentu hirak ne’ebé aloka, instituisaun haat ne’e ninia ezekusaun sei 0%.
Aleinde instituisaun haat ne’e, iha mós instituisaun seluk ne’ebé ninia ezekusaun kiik liu ka la to’o 10% mak Autoridade de Inspeção Alimentar e Fiscalização da Atividade Económica Sanitária e Alimentar ho orsamentu $2,468,595 foin ezekuta $47,876 ka 1.9%; Fundo Espesial de Desenvolvimento Atauro ho orsamentu $2,723,605 ne’ebé foin ezekuta $151,600.10 ka 5.6%; Autoridade Nacional do Petróleo ho osan $9,237,452 foin ezekuta $650,787.77 ka 7%; no Fundo Especial de Desenvolvimento da Região Administrativa Especial de Oe Cusse Ambeno ho osan $20,000,000 foin ezekuta $6,050,236.88 ka 8%.
Ba instituisaun sira ne’ebé ninia ezekusaun la to’o 20% mak hanesan: Ministério do Desenvolvimento Rural e Habitação Comunitária ho orsamentu $13,150,000 foin ezekuta 2,260,522.41 ka 11.6%; Agência Nacional para Avaliação e Acreditação Académica ho osan $921,678 foin ezekuta $125,968 ka 12.9%; Autoridade RAEOA ZEESM ho orsamentu $40,000,000 6,595,599.52 ka 12.7%; Administração dos Portos de Timor-Leste ho osan $3,833,451 foin ezekuta $509,975.7 ka 13.3%; Comissão Anti Corrupção ho osan $2,332,135 foin ezekuta $314,764.50 ka 13.5%; Ministério da Solidariedade Social e da Inclusão ho osan $20,642,898 foin ezekuta $4,807,130.82 ka 14.1%; no Ministério da Agricultura Pecuária Pesca e Florestas ho osan $30,694,052 foin ezekuta $14,541,127.99 ka 14.2%.
Instituto Para a Qualidade de Timor Leste IP ho osan $989,535 foin ezekuta $151,658.58 ka 15.3%; Instituto Nacional da Saúde Pública de Timor Leste ho osan $2,058,284 foin ezekuta $332,256.94 ka 16.1%; no Serviço Nacional de Ambulâncias e Emergência Médica $2,195,838 foin ezekuta $512,686 ka 16.5%.
Imprensa Nacional de Timor-Leste IP ho osan $1,017,941 foin ezekuta $176,503.72 ka 17.3%; Ministério do Ensino Superior Ciência e Cultura ho osan $9,132,072 foin ezekuta $1,643,382.98 ka 17.9%; Ministério do Turismo e Ambiente ho osan $11,069,826 foin ezekuta $2,130,028.67 ka 17.9%; no Centro Logístico Nacional ho osan $7,291,986 foin ezekuta $1,429,191.83 ka 18.1%.
Enkuantu ezekusaun atinze ona 40% ba leten mak Instituto de Gestão de Equipamento e Apoio ao Desenvolvimento de Infraestrutura ho 40.3%; Ministério para os Assuntos dos Combatentes da Libertação Nacional ho 40.5%; Ministério das Obras Públicas ho 41.7%; Serviço Nacional de Inteligência ho 41.6%; no Centro Nacional de Formação Profissional Becora IP ho 41.9%.
TATOLI Agência Noticiosa de Timor Leste IP ho 42%; Ministério da Juventude Desporto Arte e Cultura ho 43.6%; Comissão Nacional de Eleições ho 44.5%; Ministério para os Assuntos dos Combatentes da Libertação Nacional ho 46.6%; Primeiro Ministro ho 48.5%; no Arquivo e Museu da Resistência Timorense ho 49.1%.
Ezekusaun ne’ebé atinze ona 50% ba leten mak Ministério dos Negocios Estrangeiros e Cooperação ho 51.2%; Autoridade Municipal de Bobonaro ho 55.5%; Instituto de Defesa Nacional ho 52.4%; Instituto Nacional de Combate ao HIV SIDA IP ho 54.2%; no Instituto Nacional de Combate ao HIV SIDA IP ho 55.7%.
