Embaixadór Repúblika Korea bá ASEAN, Lee Jang-Keun hateten, sentidu apoiu ne’ebé nasaun tolu ne’e fó bá Timor-Leste importante tebes tanba bainhira integra ona hanesan membru permanente bá ASEAN, sei hetan benefísiu barak iha aspeitu oioin.
“Kontente hasoru-malu ho Primeiru-Ministru, Kay Rala Xanana Gusmão hodi hametin apoiu liu-liu adezaun Timor-Leste bá ASEAN,” Lee Jang-Keun hateten liu husi Komunikandu Gabinete Primeriu-Minsitru Ne’ebé Online INDEPEDENTE asesu, kinta (20/07).
Apoiu hosi nasaun tolu ne’e, la haree bá dezafiu ne’ebé Timor-Leste sei hasoru bainhira sai ona membru permanente ASEAN, maibé haree liu bá oportunidade ne’ebé Timor-Leste tenke hetan liu-husi ninia estatutu loloos hanesan membru ASEAN.
Kompromisu ne’e embaixadór Repúblika Korea bá ASEAN, Lee Jang-Keun hamutuk embaixadór EUA bá ASEAN, Yohannes A. Abraham no embaixadór Japaun bá ASEAN, Kiya Masahiko atualiza bá Primeiru-Ministru (PM), Kay Rala Xanana Gusmão iha Palásiu Governu,
Enkontru ne’e embaixadór hosi nasaun tolu bá ASEAN hetan akompañamentu husi embaixadór Japaun iha Timor-Leste, Tetsuya Kimura.