MJ Prosesu Akizisaun Kaderneta Pasaporte Rihun 150 Featured

By Mariano Mendonca Fevereiru 29, 2024 175
Kaderneta Pasaporte. Foto:Dok/INDEPENDENTE. Kaderneta Pasaporte. Foto:Dok/INDEPENDENTE.

DILI: Ministériu Justisa (MJ) halo hela prosesu serbisu tekniku bá akizasaun kaderneta pasaporte rihun 150 ne'ebé Konsellu Ministru delibera iha semana kotuk.

Iha 21 Fevereiru, Konsellu Ministru rekomenda, tuir projetu ne’ebé aprezenta husi Ministru Justisa, Sérgio de Jesus Fernandes da Costa Hornai, hodi halo prosedimentu aprovizionamentu liu husi ajuste direitu, hodi sosa kaderneta pasaporte rihun 150 no mákina impresaun pasaporte nian rua.

"Ministériu Justisa simu ona desizaun ida maka ha'u rasik aprezenta iha konsellu Ministru iha semana liu ba, Konsellu pondera, neste momentu iha hela faze tekniku ami halo hela serbisu," dehan Ministru Sérgio, iha Palásiu Governu, horisehik.

Nia dehan, tékniku sira halo hela serbisu maibé iha ona desizaun politika oinsá ministériu bele halo akizisaun ba kaderneta pasaporte no mós ba ekipamentu nesesariu ne'ebé iha relasionamentu ba iha pedidu.

"Pasaporte ne'e daddaun la'o hela, balu iha armajenamentu balun mós Administrativu la'o hela, hein katak rihun 150 ne'ebé ita halo akizisaun sei la'o tuir prosesu ne'ebé iha tuir lei, ita nia prosedimentu Administrativa sira no bele mai hodi nune'e ita bele sustenta bá iha ita nia atividade sira ne'ebé fornesimentu bá iha Pasaporte," nia dehan.

Sérgio afirma, akizasaun ne'e sei halo nafatin ho Kompañia iha Filandia ne'ebé antes liu ba produz no fornese hela mai ne'e, teknikamente orsida husi aprovizionamentu mak sei hatete buat ruma.

Aleinde ida ne'e kona-ba blanku BI ne'ebé provizoriamente uza surat tahan seidauk iha planku, neneik sei to'o iha situasaun ida espetativa ida ema hotu-hotu nian liu-liu ba iha dizitalizasaun.

Rate this item
(0 votes)

Independente Digital TV