Ministru Agio Dezloka Ba Austrália Diskute Greater Sunrise Featured

By Artur da Luz Marsu 21, 2018 2622
Agio Agio

DILI: Ministru Adjuntu Primeiru Ministru asuntu Delimitasaun Fronteira Marítima, Hermenegildo ‘Agio’ Pereira, hetan delegasaun kompeténsia husi hodi Governu dezloka ba Austrália, iha Segunda (19/3), atu diskute kona-ba dezenvolvimentu Greater Sunrise.

Tuir fonte diáriu ne’e nian iha Palásiu Governu ne’ebé lakohi fó sai identidade hateten, Ministru Agio Pereira daudaun halo viajen ba Austrália hodi hala’o negosiasaun ba esplorasaun mina matan Greater Sunrise.

Tuir nia, Governante ne’e arranka ba Austrália hahú segunda 19 Marsu 2018 no sei fila mai Domingu 25 Marsu 2018.

Entretantu, kona-ba dokumentu rezultadu ikus ba fronteira marítima entre Timor-Leste ho Austrália, Primeiru Ministru, Mari Alkatiri, dehan simu ona husi Ministru Agio Pereira.

Ami rua Ministru Agio Pereira hasoru malu ona no nia mai ha'u nia fatin hodi entrega dokumentu mai ha'u”, tenik nia, iha Timor Plaza, horisehik.

Dokumentu kona-ba akordu fronteira marítima ne’e hetan ona aprovasaun husi Konsellu Ministru. Maibé mós kontinua ezije ba Xefe Negosiadór Prinsipál ba Delimitasaun Fronteira Marítima, Kay Rala Xanana Gusmão, hodi entrega akta no mós rezultadu enkontru ba prosesu ne’e tomak ba governu.

Rate this item
(0 votes)

Independente Digital TV