“Iha VII Governu ami ba vizita iha momentu ne’ebá ha’u sei servisu iha sentru Nasionál Rehabilitasaun, ha’u Ministra atual lori defisiensia mentál rua mai no konsege hetan tratamentu ne’ebé di’ak no normal fila-fali maibé husu kona-ba dehan balun toba iha dalan ninin, neste momentu ha’u seidauk hetan se mak toba iha estrada,” dehan Ministra hafoin remata enkontru ho Vise-Primeiru Ministru iha Palasiu Governu, Tersa (05/03).
Ministra afirma, ema defisiensia mental balun iha duni maibé tenke hein tanba presiza lori tempu atu rezolve no presiza ospitál atu atribui espesial ba sira. Tanba iha de’it fatin rehabilitasaun maibé labele akumula ema moras mentál sira hotu.
Enkuatu antes ne’e, Asosiasaun Defisensia Timor-Leste rejistu kazu husi ema ho defisiensia mentál iha fulan-Janeiru nia laran hanesan harahun vidru Postu Seguransa iha Embaixada Japaun no harahun sidadaun ida nia vidro kareta nian iha igreja Ai-Mutin no sidadaun defisienia mental ida hetan taa husi ema deskoñesidu.
Tan ne’e ADTL hamutuk organizasaun sira ne’ebé servsiu ba ema ho defisiensia rekomenda ona ba Ministeriu Solidariedade Sosial no Inlukzaun (MSSI) ho Ministériu Saude (MS) atu kontinua haboot servsiu atendementu emerjensia ba ema ho moras mental sira.