Orsamentu refere aprova husi Parlamentu Nasionál (PN) iha ambitu diskusaun orsamentu Jerál Estadu (OJE) 2024 iha Sesta-feira loron 15 fulan- Dezembro tinan ne'e.
Ministru Ensinu Superior, Siensia no Kultura, José Honório da Costa Pereira Jerónimo hatete, MESSK iha ona Komisaun Organizadora atu koalia ho estrutura Universidade privadu sira hodi bele hare saida mak governu presiza atu apoiu.
"Tanba ita aposta ba kualidade tenki hahú husi buat ruma tan ne'e governu iha obrigasaun atu apoiu ensinu superior privadu sira," dehan Ministru José Honório hafoin partisipa Seremonia Gravasaun ISC ba Dala XV iha Sentru Konvensoens Díli, Sábadu (16/12).
Ministru Afirma, orsamentu ne'ebé aprova ona husi Parlamentu Nasionál sei aloka hotu ba Universidade Privadi no institu Superior sira hotu iha TL, maibé Komisaun Organizadora sei halo observasaun ba Universidade sira hotu atu hare ba parte sira ne'ebé mak governu presiza apoiu.
"Hahú Janeiro to'o Fevereiru Komisaun Sei ba Universidade privadu sira ko'alia ho estrutura Universidade sira, no sira hato'o proposta mai no proposta ne'e ha'u sei lori ba Primeiru Ministru hodi aprova hafoin atribui tuir proposta ne'ebé sira fó mai," dehan Ministru.
Ministru hatete, Governu sempre ko’alia konaba kualidade kalifikadu, tan ne’e governu iha papél atu apoiu atu nune’e Universidade Privadu sira bele book an atu nune’e ba futuru labele hanoin atu tama de’it iha UNTL maibé aposta ba kualidade jovem sira bele mos tama iha Universidade superior Privadu sira.
Governante akresenta, orsamentu ne'ebé atu apoiu ba Universidade sei variavél ka lahanesan tanba tuir proposta ne'ebé Komisaun organizadora halo.
Husu universidade tenke hanorin ho lian ofisial
Ministeriu Ensinu Superior, Siensia no Kultura (MESSK) husu ba dosente sira iha universidade hotu atu hanorin estudate sira ho lian ofisial hanesan portugués ho tetun.
Ministru Ensinu Superior, Siensia no Kultura, José Honório da Costa Jerónimo hatete, Timor-leste dadaun tama ona nasaun Comunidade Paises Lingua Portugués (CPLP) ne’ebé iha kontitiusan iha artigu tolu hatete klaru katak Republika Demokrátika Timor-Leste (RDTL) nia lian ofisial mak tetun no portugués.
“iha Knstituisaun hatete klaru hakark ka lakoi tenki uza tetn ho portugués, governu kontinua promove lingua portugués tanba ita iha CPLP,” dehan Ministru José Jéronimo iha CCD, Sábadu (16/0).
Ministru esplika, Lingua Inglés bele tanba internasionalmente ema hotu bee koalia maibé Timor-Leste hakarak tama iha ASEAN tenki halo diferensa ho nasaun sira iha ASEAN rasik. Tan ne’e mak portugués ne’e importante.
Tanba ne’e husu atu hotu-hotu tenki aprende portugués, simples hela tanba veteranus sira ne’ebé momentu ne’ebá lahatene hakerek no lee maibé sira bele hatene portugués, tenki hatene portugués tama importante tebes ba Timor-Leste ne’ebé iha relasaun ho istória funu naruk ne’ebé iha no relasaun kultura ho TL nian.
“hanesan Ministru husu universidade sira kontinua hanorisn lingua Protuguésa ba estudante sira, ne’e importante tebes ita hakarak aposta ba kualidade,” dehan Ministru.
Governante afirama, iha ema barak hateten nusá la uza lian tetun los de’it, maibé tetun bazika seidauk iha rekoñesementu husi internasional, tan ne’e banhira halo peskiza mak hakerek ho tetun ema sei la lee no Timor oan de’it mak lee maibé ho portugués ema bele lee.
Tan ne’e, agora dadaun iha MESSK nafatin kontinua fo bolsu estudu ba professor kontinua fó kursu ba bolseiru sira ne’ebé hakarak kontinua estudu iha Brazil, Portugal no os professor sira iha universidade privadu sira.
