Inspetór Jerál AIFAESA, Ernesto Monteiro hatete, iha fulan-Janeiru nia laran servisu AIFAESA nian lala’o tanba funsionáriu sira ne’ebé servisu iha AIFAESA kontratu remata ona iha loron 31 Dezembru 2023.
Nia dehan, bainhira kontratu ne'e hotu, sei estende fila fali bainhira iha duni servisu, iha duni knaar balun presiza atu servisu kontinua, maibé iha 17 Novembru 2023, hetan notifikasaun husi Ministru Koordenador Asuntu Ekómonia (MKAE) katak labele extende tan funsionáriu sira ne’ebé kontratu remata ona.
Maibé tanba nesesidade servisu AIFAESA nian, husu ba Ministru Koordenadór Asuntu Ekonomiku (MKAE), atu extende tan sira-nia kontratu maibé sira fó hatún ona karta notifikasaun entaun labele extende fali.
"Ha’u husu nafatin ba Ministru para bele analiza fila-fali polítiku ne'e hodi tetu ho di’ak tanba funsionamentu AIFAESA.IP presiza funsiona fali, hahú husi loron ida fula Janeiru to'o mai ohin aktividade AIFAESA lala’o hanesan bai-bain hanesan iha tinan kotuk." dehan Inspektór Jeral ba Joranalista Online INDEPENDENTE, iha nia knaar fatin Matadoru, Dili, Tersa (30/01).
Inspetór afirma, liga ho asuntu ne’e, sira ba hato’o ona ba Xefe Gabinete MKAE prepara rekursu hodi apiou ba servisu AIFAESA nian, tanba problema ne’e hahú husi administrasaun to’o iha seguransa ho patrimóniu estadu atu bele asegura fila-fali.
Maibé tanba la iha kontratu foun ba funsionáriu sira, entau sira abandona de’it servisu ne’ebé iha. Tan ne’e ho probelma hirak ne’e hato’o on ba MKAE no resposta katak bainhira fila husi rai-liur bele funsiona ona servisu hirak ne’e.
“Ministru nia resposta katak dehan mai ami atu hakalma ninia traballadores sira, durante ne'e halo knaar iha tinan kotuk no tinan hira liu ba ho nune'e iha tempu badak nia laran ministru sei fila mai hodi foti desisaun imediata para bele funsiona hikas instituisaun ida nu’udar instituisaun espektiva,” nia esplika.
Nia salineta, tanba iha ne'e tékniku espesífiku ne'ebé sira ba tuir formasaun iha rai-liur no mos iha rai-laran esperiénsia lubuk ida ne'ebé sira halo ona ho atendimentu bele dehan katak ladun 100% maibé durante sira hatudu servisu ne'ebé di’ak.
"Se ema foun hotu kedas dala ruma ida ne'e tenki eleva tempu atu hakna’ar aan no mós presiza tempu mós atu bele aprende servisu AIFAESA nian," esplika nia
Enkuantu, Funsionáriu kontratu ne’ebé kontratu remata ona iha 31 Dezembro 2023 hamutuk 118, funsionáriu permanente iha na’in lima (5).
Iha fatin hanesan, eis funsionariu AIFAESA, Teodósio Araújo Alves hatete, bazeia ba nia natureza tuir dekretu lei funsionáriu sira AIFAESA ne’e kontratadu hotu.
No funsionáriu kontratadu ne’ebé servisu iha hahú iha tinan 2016 to’o 2019, no kada tinan funsionáriu kontratadu sempre halo renovasaun ba kontratu maibé iha tinan 2024 la iha.
“normalmente situasun ne’ebé akontese iha AIFAESA ne’e funsionáriu sira kada tinan halo renovasaun, kada fulan ikus tinan nia sempre iha notifikasaun banhira kontratu hotu ona hein bolu fila fali mak halo kontratu, maibé iha tinan ida ne’e to’o ona fulan ida maibé la bolu fila-fali,” nia hakotu.