Membru F-FDTL Na’in Ida Termina Ona Treinamentu Kona bá Parakedista iha Batujajar Bandung

Novembru 23, 2024

Membru F-FDTL Na’in Ida Termina Ona Treinamentu Kona bá Parakedista iha Batujajar Bandung ^Featured

By Saturnina da Costa Outubru 21, 2022 1205

Membru FALINTIL-Forsa Defeza Timor-Leste (F-FDTL) husi Komponente Terrestre Tenente Infantaria Amaro Abel Guterres, termina ona treinamentu konabá parakedista (tactical parachute) durante fulan lima, iha Sentru Formasaun Forsa espesial Indonésia nian Batujajar Bandung. Foto:Media F-FDTL.

DILI: Membru FALENTIL-Forsa Defeza Timor-Leste, na’in ida termina ona treinamentu kona bá parakedista iha Batujajar Bandung, Indonézia.

Tuir Komunikadu ne’ebé Online INDEPENDENTE asesu, iha pajina ofisial Media F-FDTL, relata, membru FALINTIL-Forsa Defeza Timor-Leste (F-FDTL) husi Komponente Terrestre Tenente Infantaria Amaro Abel Guterres, termina ona treinamentu konabá parakedista (tactical parachute) durante fulan lima, iha Sentru Formasaun Forsa espesial Indonésia nian Batujajar Bandung.

“Treinamnetu ne’e hala’o durante fulan lima (5) fulan ida ho balun treinu konabá Basic Airborne ka Para Dasar terjun Payung, eskola fulan 3 no prátika iha terenu fulan ida,”haktuir komunikadu refere.

Entretantu Tenente Amaro Abel Guterres desloka ba Indonesia iha loron 21 Maiu no termina treinamentu iha 17 Outubru 2022 no simu medalha Parakedista (tactical parachute).

Rate this item

(0 votes)