"MEJD halo hela preparasaun ba rezultadu ezame nasional nian, tanba ne'e ita deside ona sei fó sai iha loron 9 fulan dezembru,” Koordenadora interina Gabinete Avaliasaun Dezenvolvimentu Kurrikular, Edia Monteiro hateten iha MEJD, Kinta (24/11/2022).
Progresu serbisu Gabinete Avaliasaun Dezenvolvimentu Kurrikular nian iha ezame nasionál ne'ebé realiza ona iha loron 24 to'o 26 Outubru 2022, husi prossesu ezame nasional ne'e, nia kontinuasaun iha loron 04 fulan novembru ekipa kontinua serbisu halo korresaun ba rezultadu durante loron 15.
Husi rezultadu korresaun pontu ezame nasionál ne’ebé mak ekipa MEJD halo, prossesu validasaun ne'ebé gabinete avaliasaun aprezenta ba MEJD tuir data ne’ebé determina ona.
Maski gabinete avaliasaun deside ona data hodi anunsia rezultadu ezame nasional nian, maibé seidauk aprezenta ba iha Ministru, tanba sira sei hare'e ba tempu.
