"Ita sei reforma kurríkulu ba iha eskola sekundária jerál no tékniku  vokasionál. Ne’e planu IV governu nia,  tanba agora ne'e liuliu ita-nia nasaun rasik ita atu adere ba ASEAN entaun presiza kurríkulun ida ne'ebé mak nia tenke iha korelasi ho ASEAN ne'ebé dadaun ne’e ita atu adere ba ne’e, edukasaun iha ASEAN ne'e, tanba ne'e ita presiza adapta mós ho ida ne'e" dehan Domingos Lopes Lemos iha Fomento Comoro, Segunda (29/01)

Nia hatutan, reforma kurríkulu sei akontese maibé sei halo hela estudu no haree didiak lai molok halo reformasaun ba iha eskola sira tuir edukasaun ASEAN nian.

"Ita sei haree didiak lai. ita sei haree estudu lai katak nia merese duni ita halo reformasain ka lae,  la'os ita taka matan loke fali matan reforma kedas ne'e lae maibé ita sei halo estudu hafoin ita deside,” esplika nia.

Tanba iha balun ho ambisaun loke eskola sira iha munisípiu sira maibe, buat hotu tenke falla iha dalan klaran tan la prense rekizitu no menus profesór.

"Ha'u orienta ona ha'u nia diretór nasionál sira, ita halo estudu ida didi’ak antes ita loke tan eskola balun liuliu tékniku vokasionál iha munisípiu sira” haktuir nia.

Nia esplika, manorin na’in barak ne’ebé iha ambisaun ne’ebé loke eskola iha fatin barak to’o ikus mai fasilidade no rekursu umanu la sufisiente eskola tenke taka.

“loke ida ne’e loke ida ne’ebá mais na realidade iha terrenu saída mak akontese buat hotu-hotu paradu, eskola tékniku vokasionál barak mak rekonversaun fali. Eskola ida iha Manufahi rekonverte fali ona ba ensinu sekundáriu jerál, maske antes ne’e eskola refere sekundária jerál maibé muda fali ba tékniku vokasionál no agora rekonverte ba fali sekundária jerál tanba menus profesór no labarik sira la minat atu eskola iha ne'eba,"  dehan nia.

SEESJETV deklara, sei asina nota entedimentu ida  Sekretáriu Estadu Formasaun Profesional no Emprego (SEFOPE), atu bele fasilita estudante iha area tékniku vokasionál nia hodi ba servisu iha li’ur atu aban bairua iha benefisiu ba estudante sira.