Asaun pasífika ne’e hahú konsentra iha Centro Convenções de Dili (CCD) no Remata iha Jardín 5 de Maio Colmera iha horas 08:00 -18:00 Otl
Manifestasaun ne'e hetan ona autorizasaun no despasu husi komando Jeral Polisia Nasional Timor Leste (PNTL) ba iha Komando Munisipiu Dili no hetan ona konkordansia entre PNTL ho manorin sira
Portavóz Agostinho Pinto hatete, objetivu halo asaun pasífika ne’e tanba konsidera Ministra Edukasaun hapara profesór kontratadus sira ne’e viola viola direitos Professores kontratadus tinan 2022 no tinan 2023 nian neebé preve ona iha Decreto Lei N 31/2023 31 de maio.
"Ami profesores kontratadus halo manifestasaun hasoru exelencia nain rua tamba viola direitos Professores kontratadus tinan 2022 no tinan 2023 nian neebé preve ona iha Decreto Lei N 31/2023 31 de maio,no hamosu diskriminasaun ba ami profesores kontratadus sira, molok tama ba asaun marsa pasifiku ida ne'e, ami halo ona esforsu liu husi prosesu legal sira hodi resolver professores kontratadu. Maibe Exelencia nain rua la iha vontande no la iha responsablidade atu resolver, tamba nee iha segunda ami sei halo asaun marsa pasifiku" Dehan portavos iha Jardim 5 de Maio, Sábadu(20/01)
Nia hatutan, exelencia nain rua la konsidera no la valoriza sira nia dedikasaun ho voluntariamente ne'ebé ajuda ona ME hodi hanorin estudante sira iha eskola teritorio nasional liu ona tinan 10 resin
"Ho ida nee ami husu ba ME atu rekonese ami nia servisu no dedikasaun ne'ebe ami presta ona iha ME ho voluntario durante tinan 10 liu ba. Husu ba ME atu resolve estatuto profesores kontratadus tinan 2022 no tinan 2023 nian tuir Dekretu Lei N° 31/2023 de 31 de Maio, neebe hatur ona iha artigo 11 kona ba engresu espesial ba profesor kontratadu sira" hatete nia.
Aleinde nee mos husu atu rezolve uluk problema profesor kontratadu , reklamantes no voluntariu molok loke teste bolsa kandidatu ba publiku nuudar rekonesimnetu ida ba sira nia dedikasun servisu tuir sistema edukasaun nasional
"Labele hapara profesor kontratadu sira ho verbalmente liu husi media sosiál deit, maibé tenke hapara ho karta notifikasaun ka despaixu legál sira, tanba profesor sira kontratadu la'os halo servisu apoio polítiku ka funsináriu kazuais nian maibé sira rekrutamentu liu husi Dekreto Lei N° 22/2011, de 08 de Juñu, kontratu nu’udar Agente Administrasaun Publika ne'ebe, hala'o knaar lor-loron iha eskola nu’udar profesór ho Kategoria Tekniku Professional Grau/D Tanba ne'e ami,professores kontratadus tinan 2022 no tinan 2023 sei halo Marsa Pasifiku, mezmu sira la rekonhese no hakotu ami nia servisu la ho justu kauza loloos" afirma nia.
Ministra Edukasaun Dulce de Jesus Soares, Sekretariu Estadu Ensinu Sekundariu Jeral no Ensinu Sekundariu Téknika Vokasional, Domingos Lemos Lopes la iha vontade no responsabilidade diak atu rezolve profesór kontratadu nain 1.715 nia problema.
“se exelensia nain rua la presta vontade no responsabilidade diak ba rezolve problema ne’e, asaun ne’ebé ami sei foti mak asaun marsa pasifika ne’ebé tuir planu sei realiza iha 22 Janeiru, ruan petisaun no manisfestasaun pasifiku,” dehan Agustinho Pintu liu husi konferensia imprensa ne’ebé hala’o iha Jardim 05 de Maiu Kolmera, Kinta (18/01).
Enkuantu, asaun pasifiku ne’e sei konvida profesor kontratadu iha teritoriu laran tomak ne’ebé sei hala’o iha resintu ME iha loron rua nolu resin rua fulan-Janeiru tinan 2024.
Liuhusi asaun pasífika ne’ebé realiza, asosiasaun estudantil Universidade Nasionál Timor Lorosa’e mós fó asaun solidariedade ba manorin na’in kontratadus sira ne’ebér ME hapara iha fulan kotuk
