Nia hatutan, profesór sira ne'ebé atu tama ba engresu espesiál ne'e iha kritériu bazeia ba lei numeru 31/2023, tanba ne'e prosesu avaliasaun ba faze dahuluk konklui iha fulan Novembru 2023 ho totál profesór 4.089 no faze daruak konklui iha fulan Dezembro ho total profesor 600, nune'e total ba profesor kontratadu ne'ebé la prienxe kritériu ba engresu espesiál hamutuk 400.
"Profesór neebe tama ba iha kriteriu ingresu espesial hodi nunee sira bele tama iha karreira dosente nee konkluidu ona," dehan Anita, iha knaar fatin, Vila-Verde, horisehik.
Dirijente ne'e salienta, kriteriu ba profesór kontratadu ne'ebe atu engresa ba engresu espesial nee mak, profesor sira neebe kontratu hahu husi 2019 ba kraik no sira iha abilitasaun akademiku minimu Bacharelatu inklui sira nia avaliasaun dezempeñu 2021 ka 2022 ne'ebe rejistadu iha sistema Komisaun Funsaun Publika (KFP).
"Tanba servisu sira ne'e ami hala'o hamutuk ho ekipa konjunta husi Miniteriu Edukasaun ho KFP, ne'ebé ida primeira faze publika ona iha jornal republika bazeia ba desizaun komisaun Prezidente funsaun Públika nia i agora ida segunda faze ne'e mos iha ona KFP konserteza haruka ona ba iha publikasaun jornal republika"
Nia hatutan, Professor kontratadu hamutuk nain-400 ne'ebé la prense kriteria nee tamba sira iha de'it ho diploma sekundaria. Maske nunee sira sei nafatin hetan kontratu maibe la'os ona atu sai manorin.
"Sira ne'ebé la prense kriteriu nee lista iha htu ona KFP, no sira nee iha avaliasaun kompletu maibe sira mai ho diploma sekundaria deit entaun sira ne'e tuir lei ita sei kontratu sira ho kontratu termu indeterminadu ho grau D, katak sira nee sei la hamriik ona iha sala de aula hodi hanorin maibe sira nee hanesan gender Adminiatrasaun publika ne'ebe halao servisu administrativu nia"
Tamba nee agora rekursu umanu halo hela preparasaun namanas hodi prepara kriteria no mos deklrasaun sira, tamba ida neebe la prense kriteria maibe atu sai ajentes administrasaun mos iha opsaun atu sira hili.
"Sira ho kontratu indeterminadu maibe nafatin ajentes, so sira la tama iha kareira dosentes tamba ida nee mak ita kontratu nafatin tuir lei, neebe ami agora halo hela preparasaun namanas ba sira neebe la tama kriteria nee atu asina kontratu, maibe antes sira asina iha mos dekretu lei hatete katak sira tenke hili opsaun, entaun ami mos sei prepara deklarasaun ida sira tenke hili katak sira hakarak kontinua kontratu ka sira hakarak indiminizasaun, se sira hakarak hili ida depois ita prepara kontratu nee ba sira".
Entretantu engresu espesial ba professores kontratadu ne maioria husi Dili, Baucau, Maliana no seluk tan. Engresu espesial nee sei ba profesor husi ensinu pre-escolar, ensinu baziku, ensinu sekundariu no mos tekniku vokasional.
