Ministra Edukasaun (ME), Dulce de Jesus Soares hatete, ME hamutuk Diretór Servisu Edukasaun Munisipál entraga ekipamentus hanesan motorizada, empresores no Kumputadores ba Diretores Eskola sia husi EBC atu nune'e sira uza hodi halo servisu eskola nian.
"Ho objetivu eskola ensinu baziku sentral simu motorizada ida atu nune'e Diretor eskola, adjuntu Gabinete apoiu tékniku mos bele halo Motorizasaun ba ensinu báziku filial sira iba sira nia agrupamentu ne'e," dehan Ministra iha Edifisiu ME Vila-Verdi, Kinta (04/04).
Diretór Jerál Edukasaun Pre-eskolar, Ensinu Báziku No Ensinu Rekorrente, Apolinário Serpa Rosa, hateten, fasilidade hirak ne'e sei distribui ba eskola ensinu báziku hamutuk 193 ne'ebé eziste iha teritoriu tomak, la inklui RAEOA Oe-cusse. Portantu kada eskola hetan motorizada no komputadór ida, enkuantu motorizada ne'e atu subtitui fali motorizada sira ne'ebé mak eskola sira hetan iha tinan 2012.
"Tanba motorizada hirak ne'ebé hetan iha tinan 2012 ne'e barak mak avaria hotu ona no tama ona iha lelaun i nune'e mak ita atu fo fila fali motorizada foun ida para hodi bele fasilita sira nia servisu, uza hodi tuir atividade sira iha munisípiu, no ensinu báziku hamutuk 193 mak sei hetan fasilidade hirak ne'e, inklui mós komputadór sira," nia informa.
Nia salienta, ekipamentus hirak ne'e la'ós atu oferese ba diretór ensinu báziku sira, maibé ba operasionalizasaun ensinu báziku nia, signifika eskola nia no sira uza hodi hala'o servisu hotu iha ensinu báziku sentrál to’o ba nia filiál sira.
Purtantu diretór Edukasaun Munisípiu Dili, Sabino da Costa, hatete, nia sei orienta diretór EBC sira atu utiliza ekipamentus ne'ebé ME oferese ne'e hodi halo servisu eskola nia.
"Depois ita informa, atu sira jere osan konsensu eskolár ne'e ho didiak, no karik uza motor sira ne'e uza osan tranporte nia hodi sosa kombustivel, nune'e mós uza komputadór sira ne'e ho didi’ak hodi halo servisu administrasaun nia, dadus eskola nia no seluk tan ne'ebé relevante ho servisu eskola nia," dehan nia.
Enkuantu konaba ba komputadores no espresores, Governante dehan, iha tinan 2011 ME entrega ona komputadores maibé maioria aat ona, tan nee sira simu fali foun atu nune'e ajuda dirijente sira iha servisu Administrasaun.
Enkuantu, ekipamentu 579 nee kompostu husi motrizada 193, komputadór 193 no empresores 193.
